سعودي وافتخر بارضي وﻻ‌ ني بالفخر مغرور

الى من قيل لي وش ديرتك قلـت السعوديّـه

رفيع الراس بافعالٍ حقيقه ما تعـرف الـزور

تسطرها تواريـخ الفخـر صفحـات ورديّـه

كتبنا المجد بعد المجد سنينٍ ماضيه ودهـور

على صدر الزمن مكتوبـةٍ بحـروف ماسيّـه

لنا الماضي لنا الحاضر لنا مستقبلٍ من نـور

لنا التأثير فـي الدنيـا ببصمـاتٍ حضاريـه

من اﻹ‌سﻼ‌م منبعها فمنهاجـه لنـا دستـور

على درب الموحّد صـادق اﻷ‌فعـال والنيّـه

ابو تركي سليل المجد نور الكون في الديجور

ومن بعده رجـال ارواحهـم للـدار مرهيّـه

توحدنا بعد كنـا ضحيـة جهلنـا والجـور

وصرنـا كلنـا اخـوه نعيـش بكـل حبيّـه

من اﻵ‌مر إلى المأمور منهجنا اﻹ‌خاء والشور*


على درب التساوي والعدل باوضاع مرضيّـه

وقدوتنا رجالٍ ﻻ‌جلنا لـو داسـوا المخطـور

يبون الدار مثل الشمس في اﻷ‌كـوان مرئيـه

والى من بانوا الحسّاد واللي بفعلته ماجـور

يبان الجـد وقـت الجـد بافعـال النداويـه

لتبقى ديرتي رمز الرخاء تحيا امـن وحبـور

بفضل الله وفضل اللي رعاهـا بكـل حنيّـه

ابو متعب ابو كل الشعب في برّهـا وبحـور

اذا ناموا بقى ساهر لتبقـى الـدار محميّـه

عزيز النفس متواضع وﻻ‌ يرضى بحني ظهور

وﻻ‌ تقبيل يدّينـه مـن اللـي جـاه لتحيّـه

حماك الله يابﻼ‌دي لتبقي حصننـا المعمـور

تعيشي لـو فنينـا كلنـا نفـدي السعوديـه