من باعني بالرخص انا ... ما شريته
خله لسوقه يشترونه من ... السوق
ولو يلتقيني بالخلا ......... ما لقيته
كني ما شوفه يوم امره .. ولا اتوق
اشتاق انا لشوفة حبيب ..... فديته
اللي جمع مع الحلا طيبة .... وذوق
يغنيه من اسمه بالعرب زين صيته
اللي الهمني اكتب اليوم .... طاروق
يستاهله حبي وشوق ........ هويته
الغالي اللي مسكنه كل ...... معلوق
اللي احتواني بالغلا ...... واحتويته
يسعد مساه الياهرج زين .. منطوق
انا اشهد اني يا عرب ..... ما سليته
الله يصبرني على البعد .... والعوق
عز الله اني بالغلا ......... ما جفيته
وهو اسرع مني باللقاء حزة الشوق
متى نزوره في دياره ......... وبيته
واخذ من انفاسه تميمة .. ومنشوق
القارظ العنزي