شاهدت فيديو لاب الشاب الذي قام بسطو على بنك مغربي
حاملا سيفاا من اجل عملية والده المريض بسرطان
سبق وشاهدت فيديو الابن وهو يحاول كسر الباب الزجاجي للبنك محاولا الهروب
وقبل نجاح العملية وجد الشرطة تنتظره عند الباب ردة فعله جعلتني اشفق عليه من اعماق قلبي
سلم نفسه مستسلما للامر الواقع كانه يخبر الجميع اعلم باني مذنب
الابن الان في السجن والاب تكلف به احد المحسنين جزاه الله خيرا
مثلما قال الاب لا يعلم من هو لكن عرض عليه مبلغ مالي لا حد له وهو رفض
واخبره سيكتفي بثمن العلاج فهو ليس بحاجة الى المال بل للعلاج فقط
الابن نال مراده بطريقة لم يحسب لها حساب
وكالعادة الكبار شعارهم اللي عمل الذنب يستاهل العقوبة
اما الحديث عن من دفع الشاب لارتكاب هكذا ذنب بالشرع او بدونه حراااااااااام

جارتي الدور لي فوق

كنت ماشا ننعاس ويانا نلقاك هنايا قلت نرد عليك
عرفتي الباراح اعتقد او قبل منو لقيت ديك المعفن ديال الزروالي عرفتيه كيقول انهم غير كذابين وان الولد دخل يسرق باش يحرك
عرفتي انا مكنحملشي ديك خينا وزديت مستفز بشكل
اصلا الولد باينا مكيعرفشي يسرق واش واحد داخل يسرق بوجهو عريان وحتى الفلوس خبعام فحوايجو
الله يكوف العون اللهم اغننا عن السؤال الا لك
عرفتي الناس كتاجر باوجاع ناس
كلشي رجاع ب الرياء لي غادي يعمل الخير ضروري خصو يجمع امة ديال الصحافة د العفن وامة ديال الناس والاهم يتصوروا والمرا يجلسوها فالوسط
لاحولة ولاقوة الا بالله الصراحة رفع عن البعض القلم
وكيف ماكيقول واحد السيد الله يعطيهوم العز اما ذل هوما عايشين فيه
اما اي واحد بالنسبة ليلي سرق ولو بصيطا من حقي موعدنا يوم الحساب تماك نوقفوا اجمعين
حيت ف بلاد كيف بلادي وشي كيتبرع نشي ويبان على شي والناس ملقياشي وحنا حالين فمنا وساكتين
وناسيين دورنا ماجي
عرفتي اندوشتي من بعد ماشوف الاساتذة كيتضربو والاستاذ داوي خاوي معرفشي حتى يصرف جملة مفيدة رفاعت يدي وقلت سي فيني خليوني غير نتفرج ونشوف حتى لفاين غتوصل النهاية حيت كل طاغي عندو قتالو
عرفتي قبل 100 سنة شحال ديال الاحداث وقعوا ودابا حنى كنتسناو الاحداث الجديدة ومن يعلم قد يتكرر التاريخ بصورة او بصوره مقلوبه ولكن لاشيئ يبقى على حاله
فقط نسأل الله الثبات على ديننا
ونسال الله ان لانكون لاظالمين ولامظلومين