.
.
صباح الخير
احد الاصدقاء تهور ونصحني هههههه
وقال الى متى وانت على هالحال . شف نفسك شف حالتك
قلت لايكون كاسر خاطرك قال فوق ماتتصور انت عايش في دائره مغلقه ويعنني احب
ياخي اللي جفاك اكسر قلبه واللي نساك اعتبر انه ميت وشف الف من يتمناك
بس انت مشكلتك ماتعبر احد ومسوي انك وافي وانت ماعندك الا الخيال تعيش فيه
ارحم نفسك المهم وبخني كثير وانا اعطيته نظره وغيرت الموضوع وانتهينا
لكن مااخفيكم حز في خاطري كلامه وكتبت خربشه بسيطه بالعاميه
بالعاده اكتب خاطره هالمره كتبت هالابيات المتواضعه
واتمنى انها ترتقي لذائقتكم ..
.
.
لاتستفز القلب يكفيه ماجاه
ماعاد نبغى حب نبغى السلامه
أدري جفاني لكن مقدر أجفاه
أخذ من طيوفه رضا وابتسامه
وكانه نساني أنا مقدر أنساه
وسط الصدر له قدر وكرامه
وان حَب غيري الشكوى لله
اقدار ربي ماعندي عليها ملامه
لاتستفز القلب يكفيه ماجاه
ماحب غيره لو تقوم القيامه
وسلامتكم ..
...
ب ق ل م ي