لي سنه تقريباً ما أقضي إلا من النت
( أضمن وأحلى وأسعار تجنن )

المهم أخذت لبنتي الأولى من النت كل ملابس العيد والصيف
أما الثانيه كنت محتاره في مقاسها وقلت بشوف السوق اش عندهم وأقرر

رحت أمس السوق وليتني ما رحت
في كل محل 5 طوابير وكل طابور 20 وحده واقفه !
والملابس موديلاتها خااايسه والأقمشه تجيب الحر والأسعار دبل !
شفت كم قطعه نفس اللي في بعض مواقع النت بس مزودين عليها 100 ريال ههههههههه
حزنت على اللي يشتري من السوق والله


ورجعت البيت وقست بنتي الصغيره بالمتر وطلبت لها من النت
وارتحت


الشيء الوحيد اللي اشتريته من bath&body مسوين عروض وأحب عروضهم
ووقفت ثاني وحده عند الكاشير
شويا دخل واحد قبلي يحاسب وسكتت قلت اغراضه قليله مو مشكلة
وبعده حرمتين جو وبدؤوا سوالف مع اللي يحاسب وضحك وانا على أعصابي
بناتي ناموا وهما يستنوني
صرت أستغفر بصوت مسموع علّ وعسى يحسوا فيني
بعدهم جات عجوزه تسأل وراح الكاشير يوريها
وأنا توترت بس هديت نفسي عشنها عجوز مسكينه
وجابت أغراضها وحاسبت قبلي برضو
ولما جاء دوري قام يحسب ببطء شديد
شلت هم متى برجع البيت ومتى بسوي السحور
وذول نايمين إش يشيلهم للسياره
وتعبت من الوقفه
وجوالي يدق << أمي وزوجي يقولوا تأخرتي
حاولت أتماسك قد ما أقدر وأروق
برمضان ما يصير أعصب



المهم اذا سمعتوا وحده تستغفر اعرفوا انها تعبت من الوقفه زيي
وتحاول تسوي كنترول لأعصابها ووراها أشغال
عطوها دورها باحترام