بعد توضيح الجوهرة على السؤال اللي مافهمته احب اجاوبكم عليه بالتفصيل

انا والغلا اقرباء ( اولاد عم ) وجمعنا في مسيرتنا لاول مره منتدى قبل هذا وكنا قياديين فيه او بمعنى اصح المنتدى تابع لنا وبقينا فيه فتره من الزمن وتركناه وافترقنا في عالم النت تقريباً سنه والاسباب كانت فشل بداية ..

وبعد ذالك بأصرار الغلا عمل هذا المنتدى دون علمي ووصلني خبر من الاشخاص المقربين لي ان الغلا عمل منتدى اسماه مسك الغلا فضطريت اسجل فيه ولكن بتخفي حتى مايعرفني فيه احد وكذالك اكون فائدة للمنتدى ولكن عن بعد كأي عضو جديد ..

بقيت في المنتدى عضو عادي حتى وصلت مشاركاتي تقريباً 500 مشاركه وصرت راعي شعبيه كبيره بين الاعضاء ولي بصماتي الواضحه حينها رغم رفضي الاشراف والاشراف العام ..

بدأ الغلا يتسلل لقلبه الشك بأنه يعرفني من طريقة اسلوبي وكلامي وكذالك مشاركاتي واحتكاكي بالاعضاء ..

طبعاً بدأ يراقبني من بعيد لبعيد لانه يريد يتأكد انا قريبه او لا بدون مايحسسني بذالك وفي الاخير طلبني ايميلي وتواصلنا عليه فتره قاربت الشهر وخبرته بعد ذالك من هو انا وعن كل السالفه وخصوصاً اني سجلت للمتعه والفائده فقط ..

الغريب في الامر اني سجلت دخولي للمنتدى بعد ذالك واجد نكي صار بالون الاحمر بدون سابق انذار او استشاره او حتى مكالمة هاتف ..

في البدايه رفضت رفض قاطع اني اكون اداري في المنتدى ورجعت عضو حينها بأصراري ولكن الغلا ما ارتاح لتواجدي كعضو في المنتدى وردني بعد ذالك مدير للمنتدى وهو مؤسس للموقع بعد الحاح ..

بقيت مدير للمنتدى تقريباً سته اشهر وتنازلت عن الادارة ورجعت نفسي عضو بحجة ابي اترك المنتدى والنت عامه ولكن الاتصالات بينا وكذالك طلب بعض الاعضاء رجعتني ..

بقيت بعدها ثلاثة اشهر واوقفت نفسي وقوف نهائي عن المنتدى بدون رجعه ابداً رغم طلب بعض الاعضاء وكذالك الغلا ولكن للاسف اللي رجعني للمنتدى مره اخرى شخص اخترق المنتدى حينها وكان الغلا يريد مساعدتي واستشارتي ..

ومن ذالك الوقت الى هذة الحظه وانا اداري في هذا المنتدى وكل يوم اقول في نفسي ابي اتركه بس ما ادري ليش ماقدرت .. ربما تعلقي في الاعضاء وربما كذالك تعلقي وتعودي على المنتدى كجزء مهم من يومي وحياتي ..

طبعاً الغلا قليل تواجده في المنتدى لانه حالياً ظابط في القوات البحريه ويحظر دوره عسكريه مدتها ثلاث سنوات ومضى منها الى الان تقريباً سنه ولا يوجد احد مناسب يكون متواصل في النت ومحل ثقه عند الغلا ومتواجد في المنتدى بصفة مستمره ومتابع للاعضاء اول بأول ويدير لوحة تحكم المنتدى بشكل جيد جداً غيري ..

وهذي هو جوابي على السؤال الذي لم افهمه