( جرح الفراق )
***
**
ياشمس عمري ودنياي وغرامي
يامنورة قلبي وأحلا سنيني
**
ياروح روحي وسلواي وهيامي
ياجمل من الشمس يانور عيني
**
الشمس نورٍ للسما والظلامي
وانتي لشمس الكون نورٍ وزيني
**
بينك وبين الشمس قرب الأسامي
ياكثر مالإسمك في قلبي رنيني
**
شعاع وشروق ومنار العتامي
وضي ووهج وانوار منها تبيني
**
ومناير ونورٍ ينير الأنامي
مُنيرة الدنيا وحلم السجيني
**
ليش الجفا والصد وانتي مرامي
وانتي النفس للروح وانتي ظنيني؟
**
ليش التجاهل منك وانتي أمامي
في كل مرة عينك تجي في عيني؟
**
ليه العيون السود فوق اللثامي
تحكي لي الألغاز وسرٍ دفيني؟
**
عيونك اللي صوبت بالسهامي
في خافقٍ مغليك باغلا ثميني
**
أبغا الصراحة منك وابغا الكلامي
طال إنتظاري بشوق والله يعيني
**
جرح الفراق الي به القلب دامي
من سبته ماعدت مثلي رزيني
**
محتاج انا لوصلك وعطفك وظامي
ويا كم انا محتاج منك الحنيني
**
من يوم شفتك صار حبك لزامي
مكتوب حبي لك على هالجبيني
**
أحب انا غرورك وفيه إهتمامي
بس الجفا يقتل وهجرك غبيني
**
ياكثر ما اخذتي في قلبي الأثامي
لو يحكموا بالعدل بينك وبيني
**
وإدري ترى هجرك وصدك حرامي
هِلِّي بوصلك وارجعي وارحميني
1426هـ