(حبك قبرته)
**
**
ياشمس كانت تشرق لحبٍ جميل
واليوم غابت للأبد خلف الغيوم
**
حل الفراق وكَنّنَا وقت الأصيل
وانهت مُسَلّسَل حِبنا واصبح حلوم
**
حان الأوان وكل شيٍ له رحيل
مافيه شيٍ دايم الله الّي يدوم
**
توَضّح الحق وتبَيّن لي الدليل
في حِبك الّي مزيفٍ ماله لزوم
**
وكشَفت كِذبك مال كِذبك من سبيل
وتبَيّن إنك خاينة وقلبك ظلوم
**
تبغين قلبي دايمٍ عندك ذِليل
وانتي بعيدة عن هواي بُعد النجوم
**
والحب ماعُمره على قلبك يميل
متبريٍ منك ولا حولك يحوم
**
بكمل المشوار لو دربي طويل
برحل واخلّي لك من اطيافي رسوم
**
بروح أدَوّر غيرك وبلقى البديل
بنتٍ تحب الحب وتنسِيِني الهموم
**
بنتٍ حنونة دمعها يِر ق ويِسِيل
إحساسها مرهف رقيقة بي رُحوم
**
بَدَوّر الّي تَعرف الحب وتزيل
بعيونها كل المآسي والسقوم
**
تسقيني الحب المُعَتق سَلّسَبيِل
تِروِيني وأمسك أياديها النعوم
**
إبِكي مُحبٍ ما تِلاقي له مِثِيل
لو درتي الدنيا وشَدّيِتي العُزوم
**
إبِكِي على فرقا صدوقٍ لك نِبِيل
تَنَشّدي عن غَيّبِته وردي العلوم
**
إبِكِي على حب الشرف دمعٍ هميل
والله مايَرّجَع ولو تبغين يوم
**
حبك قبرته وباليدين اخذ واهيل
رمل الوداع وماعلى فِعلي ألوم
****