قصيدة " الحلم االقديم" (ديوان سراب الصبر)
**
*
**
*
يارجا الأيام والقلب الغريب
وإبتهال الروح والحلم القديم
**
مع طلوع الشمس لي وقت المغيب
أنتظر والشوق بعيوني عظيم
**
يحترق عمري مع الصبر العصيب
مثل من يابس من الزرع الهشيم
**
أنتظر صوتك وشوفك والعجيب
إني ألقاها سرابٍ في سديم
**
قلت: ياقلبي قَرّبنا نشيب
قال: انا عاشق إلين اصبح رميم
**
قلت: وش حَبّبّك فيها يالصويب
قال: صمت وحزن مدفون وكتيم
**
قال: وإحساسٍ بها عندي قريب
يجري بدمي ويسقيني واهيم
**
قال: ولصوتٍ بها هو الطبيب
لا سمعته شفت هالدنيا نعيم
**
قلت: خَلّصت أو باقي بتجيب
قال: باقي آخر القول اللزيم
**
واللي حَبَّبّني بعد فيها النصيب
في ظروفٍ عندها مثل الجحيم
**
قال: تذكر يوم تسأل بك لهيب
الشعور اللي من اللوعة كظيم؟
**
عن أمانيها من الحب والحبيب
وش تَرَّجّيِنَه من الله الرحيم؟
**
قالت: أتمنى حبيبي ماتغيب
عن عيوني لحظةٍ ..بُعُدِك أليم
**
والله العالم عن آمالي ورقيب
إني أبغا آصلك والله عليم
**
بس ياعمري ترى ظرفي رهيب
وسط بيتي عايشة بحزنٍ وظيم
**
لو أقول: إني أحب ..هذا مُرِيب
عندهم حُبَ الفتاة أكبر أثيم
**
قلت ياقلبي عسى الله لك يثيب
كل هذا الصبر فالظرف الجسيم
**
يارجا الأيام قلبي لو يخيب
في ظنونه مانتهى الحلم القديم
1426هـ