09-25-12, 06:55 PM
|
#1 |
| نائبة المدير العام سابقاً | 
إشلون جابتني الدنيا على بالك
إشلون يخطر على بالك تكلمني
إشلون جابتني الدنيا على بالك .
. يعني تذكرت وصلي يامخاصمني
والرقم ماضاع حافظته بجوالك .
. تبي بعد غيبتك بالحب توهمني
مهما تكلمت ماتقنعني أقوالك .
. أدري تبي تقول ظرفي عنك يحكمني
من عرفتي لك وهذا طبع موالك .
. طيب إذا اشتقت لك والشوق حطمني
واشتقت أكلمك والطمن على احوالك .
. هجرك وجرحك مع الأيام علمني
إني معك في دروب أهل الهوى هالك .
. أنت بسواتك بدرب الحب ظالمني
مشكور ممنون يالغالي على اهمالك .
. يامابحلم المنام الشوق داهمني
ولخبط علي المنام ولذة وصالك .
. وياما مع الوقت غربالك ملازمني
واقول للظن فال الله ولافالك .
. آصل وتقطع وابي قربك وتحرمني
أسألك بالله ماتخجل من أعمالك .
. سمعت منك الكثير أبيك تفهمني
ولاراح أطول كلامي وأشغل أرسالك .
. لاصارحبك مزاجي لاتكلمني
أفرح بدنياك واستمتع هنيالك .
. كفنت حبك ودمعاتي تزاحمني
ومشيت بجنازته والعمر يبقالك .
|
|
|
|
|