صديقة عمري و اختي ، كانت معرفتنا ببعض اول يوم في الجامعة
انا كنت هادية جداً و ما اعرف اكون صداقات بسرعة <-و الى الآن
و هي كانت نفس الشيء ،
نسيت صراحة من عرضت على الثانية اننا نمشي سوى ،، و مشينا سوى لأول مرة ..
جيت اليوم الثاني ادور عليها كأنها هي اللي بتحميني من هالعالم
انا كنت اهدأ منها شويتين ،، و لما كونا علاقات مع البنات في الجامعه كانو يقولون عننا اني انا اسمع كلامها
و انها هي تتحكم فيني من كثر ماني هادية و ساكته <- و انا من تحت لتحت خخ
كانت تزعل مني تقول ليه تخلين البنات يتكلمون علينا كذا ، كنت انا ما اهتم للكلام
قلت اذا هم يقولون كذا خليهم يصدقون كلامهم انا ما يهمني و عادي عاجبني انك تتحكمين فيني خخ
هي كانت تنقهر و انا ابرد مني مافيه ،،
كنا دايم نتشارك في كل شي ،
كان عندنا لعبه بحلاوة ام اند امز ،،
هاللعبه كيف ،، مو الحلاوة الوان ،، كل وحدة تختار شخص او شخصه في بالهاا و بعدين تاخذ حلاوة و نشوف اللون اللي يطلع و نبدأ نحلل علاقتها بهذا الشخص من اللون ،،

امس اختلفنا احنا جلسنا في الجامعه كم سنه ،، انا اقول خمس سنوات وهي تقول اربعة و نص
المهم انها كانت ايام جميلة و جداً بعد ،
متخيلين اننا تزوجنا تقريبا في نفس السنه و بناتنا في عمر بعض ،،

اي شي يضايقني و ما اقدر اتكلم مع احد او ابكي قدام احد كنت اروح لها البيت و ابكي قدامها
كنت احس براحه حتى لو ما تكلمت ، وجودها جنبي يواسيني ،

كنا نحب نتكلم عن الابراج كثير و مؤمنين فيها و امس تكلمنا في الموضوع و نطلع ابراج عيالها
و طلعت بنتها الصغيرة برج الثور ،، عاد انا طرت من الفرحه قلت بنتك هذي فنانه انتبهي لها و نمي مواهبها
وشخصيتها قوية و هي اللي بتتحكم فيكم خخ ،، عاد انا لازم ارفع من برج الثور <- احم


هذي نبذه بسيطه عنها ، و لو اتكلم ما اسكت ،،