| آنثــى من عــالـــم الخيـــال | | | | | | | | | | | | | | | | الهوايه » السفر بين عالم المعرفه وروائع الطبيعه | | | | | | | | | | 
بكل شفافيه بعض الملاحظات ع مسابقتي الخاصه لقسم الديكور :-
قبل مااحكي عن ملاحظاتي بدي قول اني كتير مبسوطه بهالمسابقه وبتقارير نجومنا وبشكر الله انو لاقي التفاعل والاهتمام المستحق وظهرت بابهى طله .
بس بدي اذكر بقا شويه قصص من ورا الكواليس يمكن محدا انتبهلا او مهتم فيها , بس لانو مسابقتي ولاني بهتم بادق التفاصيل وامور شغلي لهيك آكيد لاحظت كم شغله ومرح آمرقن مرور الكلام وبدي ادونن هون :-
1_ كتر خير الله المسابقه بكل تفاصيلا من شغلي ومجهودي الخاص , يمكن بالصدفه عم تلاقو مسابقات بنفس العنوان في منتديات اخرى , بس مسابقتي مختلفه وغير شكل ,لاني من الاساس حبيت يكونو المشتركين ملتزمين بقا بعدد محدد من الغرف وانواع الغرف المطلوبه يلي كانو 12 , وعطيت مجال واختيار لمشتركينا ينقو بعد 3 مساحات اضافيه ليكملو بيه بيت احلامن , وحتى نقيت لالن اسامي المساحات للتسهيل والتوضيح , وهيك وفرت ع المشتركين وقت وجهد وانتقائات بلا فايده ... يعني باختصار وحدت هدف وشروط المسابقه وعطيتو عمق ومعنى الحلم الحقيقي لبيت كل عضو .
2_ كل فقرات مسابقتي من الالف لـــ الياء جهد كامل ومكمل لالي من حيث {آنشاء فكرتو , آعداد فقراتو , تنظيم الشروط والمطاليب , كتابه وتنسيق وتصميم والاخراج النهائي للمواضيع الـــ3 (الاعلان ,التصويت والختام ),,, آرسال 4 وجبات من مسجات الدعوه ,,, وسهر 4 ليالي لآكتمال التصويت , وتقديم الجدول النهائي , ورفع طلب جوائز المشتركين}.
لهيك محدا رح يتصور الطاقه والوقت والجهد يلي صرفتن بقا ع هالمسابقه وبعد في مسابقتين جداد آذا الله راد رح بعلن عنن خلال هالشهرين وتنيناتن بالكامل من شغل آيدي وآفكاري.
3_ آكيد انا بشكر جهود الاداره يلي انا وحده من طاقمو , بس بكل صراحه انا قدمت مسابقتي كامل مكمل قدامن ع طبق من ذهب ,,, وماعذبت حدا باي شغله ولا احتجت لمساعده آحد ومحضره كلشي من قبل , فقط عرضت package كامل قدام (السيد المدير) وهوي دغري وافق لانو مناقصو ولا شي , ومبدعتنا (قيثاره) صممت الاوسمه الجميله ,غير هيدا ,,, كلشي بهالمسابقه عائده لالي ومن شغل آيدي ومخي وطوال 23 يوم ثقل المسابقه ع آكتافي وراسي , يعني مش شغل مشترك او كروب ,,, ومع هيدا بعض الاعضاء عم يشكرو الاداره آكتر مابيشكروني , عم يحاولو يبخسو حقي آو يقللو من مجهودي الكبير وبصمه تـاتيانـا الخاصه , صحيح آنو هيدا التصرف مبقا يآثر فيى لآني بعرف حالي ومواهبي وآمكانياتي , وبعرف مزبوط حجم وقيمه الروائع والآعمال يلي قدمتن للمنتدى وللاعضاء ,,, ومني بحاجه لرائي آو شهاده آو مدح هولى الناس ,,, بس كمان ضروري آوضح الحقيقه يلي الاغلبيه غافلين عنا .
4_ طبعا حبايبي المشتركين بيضولي وشي ورفعو راسي بتقاريرهن المبهره واختياراتن الانيقه يلي ترجمو هويه مسابقتي بقمه الآناقه والآحترافيه , وآثرو قسم الديكور بقصور آحلام ولا على البال وكل قصر عبر بقا عن شخصيه صاحبو , يعطيهن الف عافيه , هني سر نجاح مسابقتي ومصدر فخري , بتمنالن من كل قلبي دوام التالق وكل السعاده في حياتن وفي المنتدى كمان .
5_ المصوتين بتشكرهن ع تلبيه دعوتي والتصويت لنجومنا ,,, بس بذات الوقت مبقا فيي انكور انو البعض منن خيبولي ظني ب3 مواقف:-
~ بصراحه تقرير فائق الجمال ومتطابق التنسيق متل تقرير (بــانــه) مآخدت حقا آبدا بالتصويت ,,, مع انو الاكتريه الاعضاء يلي فاتو ع بيتا قالو وااااااو !!
ونفس الشي بخصوص تقرير (حنـيــن) المليان آناقه وفخامه وقدمت ضيافه مرتبه , وخبروها كلنا معك ومبهرين بشغلك , وبوقت الحسم الكل يبرم ضهرو ومحدا يصوت ?!!
~ هني بالفعل ارهقوني وقت كان فيهن يحسمو المركز الثالث بدون تصويت تاني بس طنشو وضيفو يوم زياده ,,, وسهروني 4 آيام كامله بدون اي راحه وانا عم راقب وآحسب التصويت .
~ صحيح موضوع التصويت قصه شخصيه وكل حدا حر يصوت لــ مين مابدو ,,, بس الاعضاء كان لازم يصوتو لآفضل تقرير آو آروع بيت آحلام ,,, مش بس يصوتو للآشخاص , لآنو نحنا هون مش في بروكرام سوبر ستار آو آنتخابات لحتى تصوت لمرشحك المفضل ,,, ولا نحنا في مونديال كرمال كلحدا يصوت لولاد بلدو ,,, نحنا هون في مسابقه وآذا بدكن الحقيقه كان لازم التصويت يروح بقا للتقارير الاقوى والعمل الاجدر وآلا المسابقات عم يفقدو هويتن وتميزن , وبهالطريقه رح ينزعولي سحر وجماليه مسابقاتي !
6_ عندي طبيعه بجاوب كل يلي عم يسالو عني ,,, وبطنش كل يلي بيطنشو ,,, بس وقت المسابقات كراعيه ومنظمه مجبوره (لاني بمشي ع الاتيكيت يلي تعلمتو من زغري + لانو هيدا بلاساس شغلي) آني قوم بقا بواجب ارسال رابط المسابقه لعدد كبير من الاعضاء بلاخص
(1 رواد القسم المعمول فيه المسابقه , 2 الاعضاء يلي عم يحضرو ويشاركو في المسابقات ,
و3آخواتي وآخواني القراب من منتدايا الاول يلي عطول حدي وحابين شغلي ومسابقاتي)
4 بعض الاعضاء الكرام من هالمنتدى يلي حتا لو مقدرو يشاركو , مابيطنشو دعوتي وبيردو على وبيعتذرو بلباقه)
لآحظت آنو عدد من رقم 1 و2 طنشو دعوات مسابقاتي وعدد اخر بس بيضهرو وقت التصويت ,,, (بصراحه آخر همي يشاركو آو يطنشو) بس كرمال يكون معن علم بموعد المسابقه وطريقه التصويت , مرات بنجبر بقا ابعتلن رابطيى المسابقه والتصويت خاصتا وقت بشوف لالن مشاركات في تقارير المشتركين .
للامانه انا لولا هالمسابقات , ولو يمرق شي 50 سنه , مرح آبعتلن ولا ربع دعوه ولا نص حرف !!
7- وآخيرا بدي قول آني نظمت هالمسابقه الفاخره من كل قلبي لعيون (رواد قسم الديكور ومتذوقي الديكور ورواد المسك) وباقي آقسامي في المنتديات الاجتماعيه كمان بيستاهلو ينقدملن مسابقات وفعاليات متلن متل (منتديات المبدعين) يلي اخدين حصه الاسد من اهتمام المنتدى وجوائز المسابقات .
ومبدي ربح حدا جميل ,,, بس ع القليل يراعو بقا كل هولى الوقت والجهد والطاقه والتركيز يلي انا صرفتن خلال هالمسابقه من مراحل اعدادو لحتى ختامو ,,, يمكن قلال عم يتصورو
~ كم تصميم خلفيات خارجيه جربت لحتى وصلت لآفضل 3 تصاميم للاعلان والتصويت وختام المسابقه
~ وكم تفاصيل , آكسسوارات , آلوان , وآنواع الخطوط والتنسيقات جربت لحتى آوصل للآخراج النهائي
~ وكم مره صححت للمشتركين يلي كانو تقاريرن بيحتوى ع ديكورات آكتر آو آقل من الغرفه المطلوبه والحد المسموح لشروط المسابقه وكلو بمسجات خاصه آو تقاييم .
~ وكم عبارات شكر وكتابات دعم ومعاني عميقه حطيتن بهالمواضيع ال3 لحتى عبرعن شكري وتقديري لنجومنا المشاركين .
وبلاخير بتلاحظي بعض الآعضاء عم يمرقو ع مواضيعي ومابيشوفو كل هولى الاشيا يلي قدمتو فوق لآلن ,,,
وجايين بس لحتى يشكرو الاداره ومابيشكرني لآلي , آو يقولو ههههههههههه , آو يحطو كلمه وآيقونه , صراحتا بالناقص بقا من هيك مشاركات , وبلا ماتعذبو حالكن , وهولى المشاركات آذا مابيكونو بموضوعي رح بيكون آحسن !!
وآكيد بدي اشكر كل الحبايب يلي نورو الموضوع الختامي وقدرو مجهودي وتعبي وعطيو شهاده صادقه وراقيه بحقي وبحق شغلي ... كلكن ذوق ربي يسعدكن وآكيد مسابقاتي مابتحلا بلاكن . |