صباحووو ..🌼

شلونكم ؟! لوني اصفر < قديمه 😜
شخباركم ؟

افتقدت التدوين منذ أن تركت كتابته على الأوراق ..
زماااان كان عندي دفاتر يومياتي وكنت أرسم شكلي كل يوم وألون اللبس عشان أتذكره هههههه
واذا صار موقف صعب أوصفه قمت رسمته
يجيني ضحك هستيري دحين لما أقراه
من كثر ما كنت أكتب خطي يخرب فجأة ويرجع يتغير بعد مدة
حتى ظهرت الأجهزة ونسينا الدفاتر والأقلام
وبقي خطنا على حاله أعوااام لا تحسن ولا ساء ..

احتفظت بدفتري للقراءة والكتابة من سنة أولى ابتدائي لما كان عمري 7 سنوات
وبدفتري حق التعبير بسنه خامس
من كثر الابداع والموهبة اللي كانت فيني وجمال الخط
- ما شاء الله -

وللأسف نسيت فين احتفظت فيها من شدة سرية المكان وخوفي عليها !!
أعتبرها ضاعت فعلاً لأني عجزت ألقاها !! هي ودفاتر يومياتي !!

حتى كراسات الرسم كنت حاطتها معاهم بنفس الصندوق
المشكلة انه صندوق
(((( ص ن د و و و ق ))))
يعني فين راح ؟!!!!


الا اذا كانت أمي حفظها الله تخلصت منه أول ما تزوجت وما تقدر تعترف طبعاً لسلامتي القلبيه



هل ما زالت عندكم دفاتركم وذكرياتكم الجميلة ؟!