فطيرة على الجوله ، مب في الفرن ، فكره وربي


المقادير


كوب طحين رقم 1

اشويه ملح

ربع ملعقه خميره (علشان يظهر طعمه )

وماي للعجن


الطريقه


يخلط جميع المقادير ويعجن خمس دقايق

وتتركينه نص ساعه علشان يرتاح

وبعدين تفردين العجينه الدائريه ، وتحطين في الوسط حشو ، وتسكرينه ، يعني مثل الكوره

وبعدين في تاوه تحطين زيت ، وتقلينه ،
وتقلبينه
لازم يستوي كل إتجاه ،
احذري مب يكب على وجهج لما تقلبينه .


تابع

الفطييره على الجوله او بيتزا محشو على الجوله


ها المرة فطيره او بيتزا او بيزون حجمه كبير

انا استخدمت ملاس ، وخاشوقه معاه

علشان أقلبه لجهة ثانيه










وقسمت الفطيره الي قسمين علشان اتأكد هل هو مستوي من الداخل
والحمد لله كان مستوي مثل السندويش من الداخل






تبغون تتأكدون ، وتعرفون شو الحشو داخله





بطاط

( تفورين البطاط المقطع الي اقسام في الماي ، 15 او 20 دقيقه ، على نار متوسط ،

تظهرينه من الماي ، ولما يبرد البطاط ، تهرسينه ، وتخلطينه مع اشويه ملح ، وكمون ،

وتحطين في التاوه زيت الذره ، وتقلين البصل مب لازم يكون بني اللون ،

وبعدين تحطين عليه بطاط الجاهز )

هاي طريقه صحيحه مب الي كان من المنتديات

في وسط العجينه مب سميك ، علشان يسستوي صح ، وتآكلين عل راحتج ،

تحطين في وسطه حشو بطاط ، ما تقلين منه ، علشان يكون في نكهة

وتسكرين العجينه .

وفي تاوه ثاني تحطين زيت الذره ، وتقلين الفطيره ، يعني لما يصير جهة الي تحت ،

تقلبينه لفوق ، والي فوق يصير لتحت ، على نار متوسط ، او تخفين اشوي عن يحترق .