هل تقبل بأن تحضر زواج من أحببت ؟؟

يعطيك الف عافيه رائد ع الطرح الرائع
حضوري أو عدمو رح يتوقف بقا ع الطريقه يلي انتهت فيه علاقه العشق وع عمق الحب وحجم التضحيه .

~ اذا هلشخص ربطني معو حب طاهر وحقيقي ,ضحى كرمالي وعمول المستحيل لحتى نكون سوا , بس القدر فرقنا والنصيب والضروف حرمنا من بعض , اكيد بهيدي الحاله مفيي احضر عرسو لأنو تنيناتنا عم نتعذب , ومن كل قلبي بتمنالو حياه سعيده حتا لو مع غيري.

~ اذا كان الشخص عادي ومكان في غير استلطاف واعجاب بسيط , او طلب ايد كلاسيكي , ف ممكن احضر زفافو وباركلو كمان لأنو عنجد مش فرقان معي .

~ بس اذا كان الشخص استبدلني بوحده 2 وبعت الدعوه لألي كنوع من الشماته ,,, فهون بقا رح بحضر زفافو وانا في كامل سحري واناقتي , ويمكن (بطبق اقتراح سافانا) وبجيب معي شب فائق الوسامه والكاريزما وبسرق منو الأضواء بحضوري الطاغي وتأثيري العميق ,
وكأنو هيدي مناسبتي أنا , وكأنو نحنا نجوم الزفاف وهني ضيوف !!
ورح باركلو متلو متل اي حدا غريب وبالنهايه هوي الخسران وانا الربحانه ,,, لآنو معلوم الرجل عينو وعقلو مع الطائر الحالق يلي برات القفص , خاصتا اذا ربطو معها ماضي جميل .