مين هههههههه
اجتمعوا المجانين اهلا وسهلا دائما وابدا زوارنا المجانين والعاقلين كمان
احضرتوا وما حضر واجبكم
لاحقا بهديكم الظروف الان صعبة هههههههه
الجميع نيام وانا كسول كتير ما خرج اروح المطبخ
اذا بدكم بوجهكم دغري واول سوكة على اليمين
بتلاقوه اوله دولاب البوظ على قولة الشعب هون
افتحوا الباب مو العلوي الوسط الكبير بتلاقوا المهلبية شغل امي الله يطول بعمرها واعمار امهاتكم يارب
كل واحد صحن مو اكتر
بتروحوا الفريزا العمودي بتلاقوا البوظة
بتطالعوا معلقتين لكل صحن مو تقضوا على البوظة
وما تعملوا هبل وتحطوا بوظة شوكولا للمهلبية
لاني بعرفكم بتعملوها مجانين هههههههه
وعلى ايدكم اليمين وللامام الخزانة العلوية الرابعة
لا تخربطوا بتلاقوا مطربان فيه فستق حلبي بتنزلوا المطران
وبتفتحوه وبالمعلقة الناشفة بتطالعوا وعلى وجه البوظة فوق المهلبية ولا تصدروا ضجيج ترا ان فاق والدي ما بيحكي شي بس امي بتعملي تنشيف فكري
ترا هي كريمة كتير بتعملي التنشيف لاني ما عازمتكم
وهلق اكيد جبتوا العيد وانتوا نازلين لهط مهلبية وعم تقروا اش كتبت هههههه