أيهما أجمل المرأة قويه الشخصية أم الأنوثة ..!؟
يعطيكي الف عافيه زهره آوركيدا ع الطرح الرائع
برائي الصفتين ضروريتين وبنفس الدرجه والقوة لحتى نحصل ع توازن حقيقي
الأنوثه هيا جوهر وهويه المرأه ,,, بس أي نوع من الأنوثه ؟!!
أكيد مبقصد بقا مفاتن جسديه , آغرائات , او مياعه بالحكي ,,, وانما الأنوثه الحقيقيه بتجمع بين هيدول الصفات {الحياء , الأدب , الرقه , الرحمه , الحنان , أسلوب الحكي , وأنك توازني بين الجمال الداخلي والخارجي } ,,, مابتفتحي أي شباك للغريب ,,, ومابتتركي أي فجوة يجر رجلك للخطايا (بأسم الحب وبأسم الجمال) .
قوه الشخصيه ,,, مابتعني أنك تطنشي وتتكبري ع الناس ,,, أو تجادلي وتعاندي الرجل ,,, وعطول تفتحي جبهه معو وتكملي حياتك بالمعارك ع خلافات آزليه بين حواء وآدم !!
وانما بتعني آنك تكوني واعيه بأمور الحياه , قويه ومتماسكه بوقت الأزمات , حكيمه وصبوره وقت المشاكل والخلافات , مابتضعفي قدام الهوى والرغبات , ماتسمحي لأي شخص يتجاوز حدودو معك .
أنك تكوني نعم الأم والمربيه والقدوه الحسنه ,,, تعلمي وتحمي ولادك ,,, تصوني حالك وتعمولي كونترول ع كل آمورك وآمور آسرتك ,,, تحافظي ع بيتك وزوجك وولادك ,,, تسندي ظهر زوجك وتكوني معو بالسراء والضراء ,,, وتكوني الأم والأب وقت يغيب زوجك .
وأكيد هيدي الآنثى القويه رح تكون حلم كل رجل 
.