لخفوق الرووح
( بعد التشاور مع المدير في المنشور حُررت الصوره )
آه من قلبٍ دعاني وكنت ما أسمع نــداه
كنت أحـس إنه بعيـد وكنت منه خايفه
******
ورد نـــاداني بصوتٍ فيه حــزن وفيه آه
بس أنا أقفيت عنه وقلت حاجة هايفه
******
ودارت الأيام .. وأثر الحب في قلبي دعاه
وقمت أحس بساكنٍ بين الضلوع النايفه
******
قلت ابشكي واعترف والقلب مني قد خذاه
ويش أسوي يا خفوق ..عقب ماني عايفه
*****
شدني مرهف الاحساس وصرت أركض وراه
وغير حبه يا( خفوق الروح) ماني شايفه
******
أسهر الليل ودموعي ترتجي لحظة لقاه
واتـصبر يا عـــذابي من جروحٍ كايفه
*****
المحبــــة بحرها .. ما ينعرف وش منتهاه
تبتدي بأحلى المشاعر صدق ما هي زايفه
*****
ودي بحبه عــفـيف نــابعٍ لي من حشاه
مــخلص النــية بحـبٍ يجتمــــع ولآيفه