اليوم اتذكرت ماضي اليم
الا وهو الحمّام
بتعرفوا ليش كنا نكرهو لانو اهلنا يعذبونا مو يحممونا
كانت العادة يحممو الاخ الاكبر اولا وبتسمع بكاه لتاني غرفة وبتبكي معو من الخوف
_كنا صغار وشو مانساوي تقول امنا بورجيكي بالحمام
والله لخلي عواك يوصل للسما
ويبدأ العذاب من وقت تشليح الاواعي وكأنها عم تنتف جاجة وادانيك كل وحدة بتروح بجهة
وبالحمام لازم ماتتحرك بتقلك خراس وضلك ساكت
ولمّا تفرك راسك تقول بدا تطالع المارد السحري
وروسنا عم تتلولح يمين ويسار.وبس بدا تفرك وشك على اساس عم تنضفو هي احلى حركة
وبيشتغل سلخ الكفوف اذا بكينا
والبنات عذاب اكبر اعادة للشعر سبعين مرة مابتعرف ليش وبيكون قصير مشروت شرت ع أساس قصة فرنسية
مايبلى الهي وبعد الحمام بتطلع على حالك بالمراية بتلاقي البخار عم يطلع منك لانو درجة المي السخنة تحت الغليان بنتفة
الله يرحم هديك الايام والله كانت احلى ويرحم اهلينا
يوميات فتاة شامية