08-01-19, 07:44 PM
|
#462 |
رؤى❤️ |
الحمد لله و اخيرا شهر يوليو انتهى
كان شهر طويل و متعب بصراحةمن كل حاجة
و خاصة اخر اسبوع من الشهر كان اسبوع مضغوط و متعب
بجد و للمرة الألف اصعب شيء انك تقلل من تعب و مجهود اي شخص
و خاصة لو انك في موقع المسئولية
انك متقولش كلمة حق لناس تستاهلها و ياريت كده و بس لا ده كمان بتكدب عيني عينك و تقول مبيشتغلوش و كلام كله كدب في كدب
عموما
كما تدين تدان و كل اللي بتعمله فينا هيتردلك في يوم من الايام
الشغل بينتهي و الاشخاص فيهم بيسيب الشغل و فيهم هيطلع معاش في يوم من الايام..اللي بيدوم بس الكلام الطيب
المدير السابق لينا كان منتهى الطيبة و الاحترام و طلع معاش من كام سنة و لسة لغاية الوقت كل ما سيرته تيجي بنجيب اسمه بكل خير و بنتكلم عنه أحلى كلام
ده مش معناه ان ايامه مكانش فيه مشاكل
الطبيعي كان فيه مشاكل و كل شيء لكن كان بيقدر يحتويها و حتى في خصومته كان بيتعامل بمنتهى الاخلاق
لدرجة ان حتى ان الناس اللي كان ليهم مشاكل معاه ..... بعد ما طلع معاش بيتكلموا عنه باحترام و حب
السؤال هنا لما تطلع معاش يا ترى مين هيفتكرك بأي شيء و لا اي كلمة حلوة
مفيش طبعا
لأن خلافات الشغل عندك بتقلب لخلافات شخصية و غلط في الشخص بعيد عن الشغل و ده صراحة محدش يقبله
ان شاء الله في يوم من الايام و يارب يكون قريبا ادخل اقرا التدوينة دي و يكون حصل شيء بنتمناه جميعا في الشغل
يارب اللهم آمين
|
| |