جهير .. وانتي تكتبين متأكده ماحولك كراث وشاهي .. ونص الحب في آخر الصاله :ضحكه:
ومتأكده ان جارتكم اللي ماتحبينها قالت بتجيكم التسابله
بتطلعين الكلمات المندثرة ...

... آنت كـ شآب سعودي ايه رآيكـ بآى في العادات والتقاليد اللي تحكمنآ ؟؟
شاب سعودي وين الدفاع المدني ..
فيه عادات وتقاليد مالها داعي واعتبرها اقرب للبدعه ..
اعطيك مثال عشته في مجتمعنا وبصراحه ماادري وش موقعه من الاعراب
طبعاً الكلام هذا الى وقت قريب وبعض المتقيدين بالعادات اكثر من الواجبات احيانا
يرون انها من الاشياء الخارجه عن القانون ..
شاب لابس زي رياضي يطلع يهرول في مكان معين بعض المثقفين :ضحكه:عندنا من اصحاب العادات والتقاليد يستنكرون الشي هذا .. مع انها رياضة مافيها شي
<< يبون الناس تهرول بثوب وشماغ
وفيه مثال آخر .. نظرة بعض الاباء لأبنائهم في حضور عمهم نظره يحس الواحد ان فيها
نوع من الحقد خصوصا اذا قال الاب لابنه ( حب راس عمك ) طيب فيه طريقة افضل
من هالطريقة ياحبيب قلبي :ضحكه:والله يتعقد الولد ويصير كل ماشاف واحد تذكر هالنظره
صار يحب راس اي شخص في الشارع مع رعشه في اطراف يديه واحتمال يجيه شلل اطفال .. الترغيب هو العلاج وليس الترهيب .. نحترم ابائنا لكن فيه طرق لازم يكون لنا
فيه موقف فكما نستفيد من بعض طرقهم في التربية لازم يتحاشون بعض طرقهم الغير ناجحه في توصيل المعلومة والتربية ..
هذي بعض العادات اللي تخطر في بالي ..
وفيه عادات وتقاليد يجب احترامها لأهميتها في مجتمعنا ..
وهل ترآها ظالمة آم عادلة ؟ بإختصار اريد انطباعكـ العام عنهآ ؟ ومدى تقيدكـ بهآ ؟
اللي ذكرتها ارى انها تحتاج لمراجعة ولتغيير الاسلوب للترغيب فيها ..
مااتقيد بعادة معينه .. اللي اشوف انه صح راح اوصله بطريقه بعيده عن مصطلح عاده
او تقليد .. لأننا وصلنا لمرحلة قدمنا العاده على العباده او الحكم الشرعي في العادات والتقاليد .. ذبحتنا عبارة هذي تقاليد وعادات لازم نحافظ عليها !! طيب اذا فيها فائدة
ماعندي اشكاليه لكن اذا كانت عبارة عادات متوارثه بتفكير اعمى لا لا لا وبعد لا ..

يعطيك العافية آنسه جهير
واكنسي الصاله الله لايهينك جارتكم بتجيكم الحين
مااعرف اختصر المعذرة طولت في الاجابة
وشكراً لك على الاطراء الرائع
الله يحفظك