‏

همسه

شيء محزن ان يكون خلف كل خلاف هناك طفل متضرر
اخر من ينظر اليه لكي يخفف ذلك الخلاف
مركون في الزاويه

معي وحده من صديقاتي نوعاً ما صدمتني ردت فعلها
تطلقت لان زوجها يضربها
من حقها مو ضدها في هذه النقطه لاحول لها ولاقوه
ع تحمل ذاك المتخلف
المشكله حب يعاندها وياخذ ولده
ولكن ماعنده احد يهتم فيه امه كبيره في السن وقالت له مافيني اهتم بولدك
خواته موظفات وهم بعد قالو له اترك ولدك عند امه احنى مو مسؤولين عنه
ولكن ظل يحاول ياخذه
المحكمه بنهايه حكمت لامه لين يوصل لسن ويختار اذا يبي امه او ابوه
وخلاص صار عايش عند امه بسلام
لين قبل دخول رمضان اختفى من عند الباب
يعتبر اختطاف حتى وان كان ابوه لانه مابلغ احد
تعبت الام كل الحاره يدورون عليه وبنهايه تم تبليغ الشرطه
بعد اتصالها ع زوجها ومارد ع جواله
واهل زوجها ماعندهم خبر بالفعل والكل قلقل عليه
وبنهايه طلع ابوه ماخذه وسافر ع طول وما اعطى احد خبر
يبي يأدبها !!
حكم عليه تقريباً يومها تقريباً هو تأدب وعقل
تزوج وقرر يترك هباله الزايد بس بعد زواجه مارجع طالب باخذ ولده
اللي خذاها شرطت ماتبي تتحمل ابن مو ابنها
عاش الولد بسلام مع زيارات ابوه وتغييره بعد زواجه اصبح عقلاني اكثر
وبسلام عند امه بين جده وجدته واخواله وخالاته وصار جزء كبير من اهل امه
امه تحبه ومدللته وما انكر ربته بشكل جميل طفل مهذب واعي عقله اكبر من سنه
حنون ويحبها ومتعلق فيها ماغرست فيه ان ابوك ماهو كويس
ماحاولت ترعبه منه وفعلاً ابوه تغيير عن اول كثيير
صار الولد ينام عند ابوه يوم في الاسبوع والبقيه عند امه
الان اصبح في خامس ابتدائي تأقلم ع وضعه مافي اختلال في نفسيته

المشكله هي الان بتتزوج الغريب انها ماتبي ابنها
ايش اللي تغيير مافيها شيء اذا قلتي ابي ابني معي وانتي عارفه ان زوجة ابوه قالت مابيه
وكيف تأمنيها ع ولدك اصلاً الاب ماطالب بابنه ولا يبيه فقط راضي بيوم عنده لاغير
بالاضافه ان اللي متقدم لها حابب ولدها
والمصيبه انها بعدها مافاتحت ابنها بانها ماعاد تبيه وانها بتتزوج ومابيكون معها
المفروض تبلغه المفروض ترصد حالته النفسيه
حرام يظل الموضوع مغلق عليه وينصدم

شكل نهايته عند جدته ام امه بما ان الاب اكتفى والان دور الام تكتفي

مو قادره اتخيل نفسيته لمن يحس ان الاثنين مايبونه
قريباً زواجها والقصه راح تنتهي باحداث غير متنبئه
كان الله في عون هذا الولد

ياترى وش اللي ممكن يغير نفسية الشخص ؟؟
بعض التغيرات صدمه كبيره

‏
..
‏