منتديات مسك الغلا | al2la.com - عرض مشاركة واحدة

**وكـــذا ..!** · 10-29-12, 03:39 PM

السلام عليكم ورحمة الله
بقولكم قصتي يوم العيد
عاد بدون ضحك اللي يضحك يطلع برا
المهم
الساعة 5 صباحا : بدلت ملابسي ولبست الثوب الجديد والشماغ الجديد العقال المستعمل شاريه من الحراج هههههههاااي داعبة شاريه من محل من جنب بيتنا
بعد ما لبست تعطرت بالعطر المفضل عندي ما راح اقولكم اسمه عشان ما تجيبون مثله (( حصري ))
بعدها طلعت على المسجد صليت العيد وطلعت سلمت على اخوي كان راكب معي عانقته وضحكنا اشوي قلنا شغل محششين ههههههههههههههههاااي المهم رجعنا للبيت افطرنا ما راح اقولكم وش الفطور عشان العيد الجاي ان شاء الله ما تقلدونا وكذا هههههههههههههااي
بعدها طلعنا على سوق الغنم اشتريت اضحية ورحنا للمسلخ قال ما بتخلص الا العصر عاد انا تعرفوني ما فيني صبر طلعنا على بيت خالي تجمعنا هناك عندنا ثلاث اضحيات حقتنا وحقت خالي الاكبر وخالي االاصغر المهم عندنا ثلاث سكينات في واحدة منهم خربانة المهم اتصلنا على تفاصيل قلنا له يجيب معه سكينة بس هو نذل جابها وخلها في السيارة وما طلعها لنا الا بعد ما خلصنا الذبح ههههههههههههاااي وبعد ما خلصنا الذبح افطرنا عند خالي كبدة وبعدها اخذت ذبيحتنا ووديتها البيت وجلست لين اذن الجمعة رحت صليت ورجعت البيت جلست لين جا خالي يعيد علينا سولفنا اشوي بعدين انا بعد صلاة العصر نمت حتى الساعة 6 المغرب صحيت ولبست ملابسي وصليت واتصلت على الشباب اخوياي طلعت سلمت عليهم وحركت على بيت خالي وصلت هناك الساعة 10 ونص تقريبا بعدها اخذت عيال خالي وضيوفهم الشباب وطلعنا نتمشى اشوي صح رحنا اماكن مدري كيف صارت ما عرفنا بس اهم شي رحنا جبنا ايس كريم واكلناه على حدود الساعة 12 رجعنا بيت خالي جلسنا نسولف ونلعب ورقة بس ما راح اقولكم وش هي الورقة اللي لعبناها عشان ما تغشون منا بعدين وكذا ههههههههههههههههههاااي
بعد ما خلصنا اللعب طلعنا انا ومحمد واخوه برا البيت نجيب كورة طائرة عشان نبي نلعب وكذا المهم جبناها ومرينا من عند كودو قلنا بنجربه عادي هو يوم العيد بس عادي المهم اخذنا لنا همبرجر اثنين بارد وواحد حار بس الحمدلله الحار طعمة مو حلو صار من نصيب محمد اما انا واخوه وربي اللي عندنا ابداع
ههههههههههههههههههاااي بعدها رجعنا البيت سوينا **** الطائرة في والحوش ولعبنا كورة حتى الفجر قمنا صلينا بعدين انا رجعت البيت نمت وخلاص
ادري قصتي تعجبكم اقوى شي وراح تنسخونها وتقرونها لعيالكم وتقولون هذا الرجال حنا نعرفة وكذا
هههههههههههههههههههههههههاااي
تحياتي للجميع

اترككم مع الصور
هذا الفطور

هذي الاضاحي

هذا الايسكريم من باسكن

هذي الخرفان مع السكين ههههههههههاااي