منتديات مسك الغلا | al2la.com - عرض مشاركة واحدة

**همس** · 11-01-12, 12:16 PM

..
..
,
الا يـاوجـودي وجـد مـن علته تاتيه ..
وجود الـفقيد اللـي فـقد قطعة منّه ..

ليا عرض الطاري وليفه وجا طاريـه ..
بكى مـن حزن وأيامه البيض يبكنـّه ..

بكى من غلا غاليه يوم انه ذكر غاليه ..
وسهوم المنايا فرقَـنّـه وجـرنّه ..

أنا قـبـل لااسمـع طاري البعد واحاكيه ..
تـذوقت فنجاله وكـيـّفـت من بنّه ..

حـزين الـمشاعر ماحدِ يقدر يواسيه ..
ولا لـه سوا حـزن المشـاعر يجارنّه ..

أجـاريه مـن قلبـي ومن عيني أجاريه ..
وحـده معي وعـروق قـلبي يـحـدنّه ..

يــلاحيني بحزنـه ولاحيه ولاحيه ..
ومعاليق جسمي من غثى البعد لاحنّه ..

أنـا لابغيـت أسـج مـن مـركبه وانهيه ..
هــواجـيــس قلبي كل ليله يـسـجنّه ..

تـذكـرت بـيـت مـانـي بعارفٍ راعيه ..
وعـز الله انـه يـبدع الشعر مــن فنّه ..

((((عسى من حرمني من وليفي وانا باغيه ..
تـحده ذنوبه مايجــي بـارد الجــنّه ..)))