منتديات مسك الغلا | al2la.com - عرض مشاركة واحدة

**غياهيب** · 11-02-12, 07:21 AM

عدّت مثل صبحٍ تعدا الارض وألبَسها الظلام
قلت اجمعي سبعه وعشريني وهاتي مولدي

يوم انك تقولين لاتسكت وفي صدرك كلام
ابتكلم .... بس مدري وين ومنين ابتدي ؟

يا يمه بصدري زحام .. وما هو بأيت زحام
صك المساء بابه ورى شمسي وتميّت وحدي

عشرين عام مفارقك ماكنها عشرين عام
عشرين عامٍ يومها عن عام حزنٍ سرمدي

ابعتذر لو طار لك سربٍ من اسراب الحمام
ابعتذر لو ينكسر غصني وقاعي جرهدي

شاعر تقيّدني قيود الصمت وعروقي سلام
ماكان حلمي شاعرٍ لاضقت مليت جسدي

ياشاهقات الضاد ما فوق الحطام الا حطام
اكذوبةٍ فالأرض مرمية .. وتحلم بالجدي

اورّد عيوني على الغدران .. والقاهن صيام
تشوم لاتشرب سوى من وجهك العذب الندي

ذابحني الشوق لملامح وجهك النور الغمام
والله ما مرّه حزنَت الا وانا اجيه اعدي

انا اخر اللي ضم يدك بيده واستامن ونام
ولو ادري بفرقى يدك ماكان فكتها يدي

رحتي ولا ودّعتك وباقي لك بصدري كلام
والله مدري وش بقول وكيف ومنين ابتدي ؟

رااقت لي <<لخاالد الدعجااني