[frame="9 98"]السلام عليكم ورحمة الله وبركاته


ما عدت مهم خلك استرح ياحظـي التعبـان


تعودت الحياه بدون حظ وتمضـي سنينـي

تعودت امشي الدرب الطويله واجهل العنوان

اواصل خطوتي وانا مضيعت(ن) عناوينـي

وحيده وابحر بفكري مثل مايبحـر الربـان

الـي المجهـول ويلـوح بكفـه للمحبينـي

اريد اهداء وافكاري تلاطم كنهـا الطوفـان

ولابه شاطى او مرسى على بـره يرسينـي

اجر الآه من كثر الهموم وقسـوة الازمـان

وخوفي صبري الباقـي للاخـر مايكفينـي

الم جروحي بروحي واحاول اخفي الاحزان

واكابر وامنع الدمعه قبـل لا تهلهـا عينـي

رسمت اكبر معاناتي بلوحـه مابهـا ألـوان

واحدد بالخطـوط القاتمـة اشكـال تعنينـي

رغم كبر المدينة بس مايو جد بهـا سكـان

على ضجة شوارعها فراغ الذات يطوينـي

مصيبة ذا الشعور اللي يعيش بداخل الوجدان

بشر حولي ولكني فقـدت إحساسهـم فينـي

كثير اشخاص من حولي ولكن مآبهم إنسـان

ولا واحد قدر منهم يكون إنسان في عينـي

أعيش بداخلي وحده بين الأهـل والخـلان

أشوف أفكارهم تسخر من أفكاري وتنفينـي

أعيش احزانهم واعطف وواسيهم وبي أحزان

ولاقد شفت احد منهـم بأحزانـي يواسينـي

كثير أسال انا نفسي ترى من هو بنا الغلطان

غلط بالناس او هم صح ويكون الغلط فينـي

سـؤال مِلـحْ لكنـه بلااجابـه لـحـد الان

متى بلقى الجواب اللي يريحني ويرضينـي

[/frame]