11-06-12, 01:43 PM
|
#1 |
| | 
صدفة غلا
صوتك لفانـي تالـي الليـل صدفـه
(صدفة غلآ) عندي تساوي الملاييـن
هليت بك والرمـش ماأهتـز طرفـه
قلتي السلام وقلـت يامرحبـا الفيـن
أهـلا هـلا باللـي سحرنـي بلطفـه
نبرات صوتك رجعت عمري سنيـن
حسيت في قلبي مـن الشـوق رجفـه
ومن الوله والشـوق مانامـت العيـن
وفجـأه رحلتـي وانتظرتـك بلهفـه
قلت أتصبّـر يمكـن انـك تعوديـن
مرت سنه و الجـرح ماكـف نزفـه
لاعاد لي صوتك ولا ادري رحل وين
قمت اتوجد واعطـي النـاس وصفـه
وأسأل عنـه بـدروب كـل المحبيـن
ياللي ملكت القلـب وأحرقـت نصفـه
وجرحت نصفه واصبح الجرح جرحين
جردت قلبـك مـن حنانـه وعطفـه
وأصبحت محروم من العطف والليـن
راجع ضميرك وأمنـح العمـر وقفـه
وقفة غلاء عندي تسـاوي الملاييـن |
|
|
|
|
|