كلام عابر

زمان اذا تعرفت ع حد جديد ،،
بتتعرفو ع بعض لما يسألك انتا ابن مين ،، و بأي حاره ساكن ،، و اذا بقربلك ابن ابو فلان ،، ووين درست ،، و اذا كان في استاذ او دكتور بقربلك ،، او اذا الك عم مسافر !
لانو اللي كان عندو عم او خال مسافر ، بتكون الحاره كلها بتعرف ،، يعني اه انتا ابن ابو علي اللي الك عم بالخليج!!



هاي الايام صار التعارف غريب ،، والاسئله عباره عن خيارات بين اسمين ،، وحسب اجاباتك بحددولك انتا شو ،، اسئله صارت تحسسك انو العالم مقسوم نصين :
انتا مسلم ولا مسيحي؟!
انتا سني ولا شيعي؟!
انتا معارض ولا موالي؟!
انتا مع بشار الاسد ولا مع الجيش الحر؟!
انتا سيسي ولا مرسي؟!
انتا يمين ولا يسار؟!
انتا لاجئ ولا نازح؟!
انتا مع فتح ولا حماس؟!
انتا ابيض ولا اسود؟!
انتا اخوان ولا خوات ؟!
انتا برشلونه ولا مدريد؟!
انتا معك ايفون ولا سامسونج؟!
انتا زين ولا اورانج ولا امنية؟!
انتا ذكر ولا انثى ولا قوس قزح؟!
و من خلال اجابتك بحدد وضعك ، و مستقبلك ، و ميولك ، و اذا انتا عالجنه او عالنار !!
ولما بدو يتناقش معك بقولك : اصلا احنا شو اللي دمرنا غير العنصريه؟! والطائفيه؟!
لا والله يا غالي ما حدا دمرنا غيرك!!
يا عمي اتركونا بحالنا و اطلعو من جو الامتحانات ،، احنا بني ادمين ،،!!

بقلم: la duena
الله يذكرك بالخير