نداء خاص لأي حدا بحكي عن حدا بالعاطل ! بترجاك و بترجاكي ! احنا يا عمي مش طالبين منك تبطل تحكي عن حدا لأنك ما رح تقدر تبطل ، خلص انتا هيك طبيعتك والقصة تغلغلت فيك ، ذمتك واسعة و عادي عندك تجيب سيرة اي حدا بالعاطل عادي !! اللي بطلبو منك تحاول لما بدك تحكي ع حدا تخفف الحكي شوي ، يعني حاول تختصر قصص ، يعني اخترع قصة خفيفه ، لانه والله يا غالي العيار اللي ما بصيب بدوش و ممكن انك تأذي ناس كتير من ورى كلمة من تأليفك و اختراعك ! - انتي اذا حكيتي عن صاحبتك بكلمة عاطلة من اختراعك ، وفكرتي القصة تافهه و عادي ،، الزمن بلف و بدور و ما بتعرفي هالكلمة شو ممكن تعمل و شو تأثر ! ف ديري بالك ! - انتا اذا حكيت كلمة عن شب شفته لأول مره و حكيتها عن مزح ، ممكن برضو الايام تلف و تعمل مليون مشكلة من ورى كلمة ! ف دير بالك ! الكلمة بتمشي ، والناس بتنقل الحكي العاطل قبل المنيح ، يعني اذا حكيت عن حدا مثلا : - هاد الشب كريم بس وقح ،، ما حدا رح يحكي للشب انك قلت عنو كريم ، رح يقولو حكى عنك وقح ! - هاي البنت حلوة بس لسانها طويل ،، مستحيل توصلها كلمة حلوة ، رح يوصلها كلمة لسانها طويل ! يا جماعة الحياة قصيرة ، ومش ماخدين منها شي ، والكلمة المنيحه طالعة ، والعاطله طالعه ، واذا حابب تحكي عن حدا اشي و تذم فيه ، ما رح نمنعك و نربيك ، بس اذا اضطريت ومش قادر ومخنوق ولازم تحكي ، احكيها الو لحالو ، عالقليله يمكن يدافع عن حالو قدامك ، بلاش فضايح !! يا خالتي ، يا مرت عمي ، يا جارتنا ، يا اي وحده !! اذا رحتي تخطبي بنت وما عجبتك ، قولي ما صار نصيب ، ما تخترعي عيوب ، الكلام بوصل ، وهاي اعراض ناس ، حتى لو شفتي شي غلط ، انسيه !! يا عمي ، يا جوز عمتي ، يا جارنا ، يا اي حدا !! اذا سكن جار جديد جنبك ، اذا ابنك طلّق مرتو ، وسألوك شو القصة ، قول ما تفاهمو ، احسن ، ريّح راسك يا غالي و انسى ، و بلا من التفاصيل !! العالم بس بدها تسمع ، اذا سمعو صوت الجيران بزقفو وبطبلو ، بيقولو دوشونا مش عارفين ننام ! واذا سمعوا صوت الجيران بتمشكلو ، مارح ينامو الا اذا عرفو شو القصة وشو سبب المشكلة وشو في اشاعات عالمشكله !! انسى وطنّش ، مش مستاهله !
‏ملامة_وغيرة_مش_أكتر