يسعد صباحكم بالخير

,

اليومين اللي مضو كانوا جداً سيئين بالنسبة لي
نوم متقطع بالإضافة الى الصداع المستمر
,
مشكلتي حمانا الله وإياكم الضغط
أعمل رياضة وكل شيء وامشي على العلاج
,
لكن مع هالأمور الضغط ثابت ومو راضي ينزل
حاولت أروق وأحاول اني مافكر لا بشغل ولا بأي شيء
لكنه خلاص نازل عند العين اليسار اكثر شيء
,
قلت يمكن نظري ضعيف ويحتاج اغير النظارة
رحت وعملت فحص وكل شيء سليم وماتغير شيء بنظري
,
خففت استخدام الجوال , كذلك مافتحت اللابتوب كثير
مع ذلك مازال ..
,
للأسف الشديد بعض المستشفيات الحكومية عندنا مايعالجونك
تروح لهم ويعملو لك فحص حرارة ويشوفوا انوا الضغط مرتفع
وتدخل عند الدكتور يقولك ضغطك عالي شوي بس عادي
خذ لك حبة بندول ولا تتوتر ومانستقبلك
طيب ضغطي عالي قريب 180 متى تستقبلني
قال من فوق 200 نقوم نعمل لك الاجراءات
,
بالله وقتها الله يرحمنا برحمته , لا ماراح تموت ماتخاف
استغفر الله من بعض كلام الاطباء.
,
طيب يادكتور وش الاجراءات اللي بتسوونها لو سمح الله
نعطيك حبة تحت اللسان
اها طيب جزاك الله خير
أخذت حبة البندول وطلعت من عندهم
,
رحت مستشفى اخر للاسف يبعد مسافة 20 دقيقة
وشافوا نفس الضغط وعملو الاجراء اللي عليهم
طيب ليش التفاوت بالمستشفيات
,
المشكلة مع الاحترام الاطباء نفسهم اصغر منك
يقولك انا درست وانا اعرف اكثر منك لا تعلمني شغلي
اجلس مكاني واوصف العلاج للمرضى
,
اوك ياحبيبي بس انا انسان فاهم ماني جاهل ولا خبرتك
انوا اقلب المستشفى كله عشاني لكن قوم بواجبك
مو تعطيني حبة بندول وتقول راح تخفف الصداع
وانت عندك شوية ضغط عالي .
,
اعمل تحاليل دهون , اعطي نصائح , مو على طول تصدمني
بالاجابة , وللأسف مايصرفني انتظر فوق الساعتين لاجل ادخل عندك
بالاخير دقيقة واحده ماتاخذ لاجل تشخص مرضي واخرج
,