السلام عليكم ورحمة الله ..


يسعد ربي اوقاتكم بكل خير .

الاثنين
12:30م
25-12-1440هـ


المفروض تكون التدوينة ليوم الاحد امس يعني
بس والله اليوم عدى سسسريع مررره ماشاءالله
ومن 6 الفجر صحيت لين 12 الليل
كنت بكتب قبل انام بس جوالي شحنو 10 وشاحني ضرب ولا فيني اقوم اخد من اخواتي ف اختصرت الطريق عليا ونمت ومن اصبح افلح ...

المهم امس ع 9 الصبح خرجنا عشان موضوع مدارس اخواتي ونقل وحوسه * حوسه ...

‏

<< متاخر صورت بس عادي
المهم اخوي يوم شاف الصورة ف ستوري سناب مسوي لي فيها معصب
ي بابا م صورت خشتك انا
المهم

دخلنا وحده من المدارس
صراحة كلها م دخلتها بس دي سمعت فيها سالفه مضاربه ف السياره ونقزت مع ماما واختي

صورت دي <<
‏

كان ورايا وحده اداريه جالسه لمن شافتني اصور قامت تنافخ
تدروا شسويت ..؟
عاندت وصورت وبعدين قفلت الجوال
مع نفسها محد قالها تنافخ علي
خير يختي دابحه لك احد انا ؟؟؟



الجزء الحلو هو السوبر ماركت او البقاله
‏
هالاسكريم الازرق فكرني ف موقف عبيييييط حصل لي
ايام الثانوي كنت يومتها رايحة اختبار تحصيلي
المهم وقت اختباري كان المغرب وفي الهيئة الملكيه
وانا ف ينبع يعني تقريبا 45 الى 30 دقيقه المشوار
ف قلنا نروح العصر الدانه مول وبعدها انزل ع اختباري
رحنا ولمن جينا خارجين اصريت اني ابغا سلاش ازرق
واخدتوا وفي الطريق شربتو عادي ناسيه ان ورايا اختبار اصلاً ولا ايش بيسير
دخللت المبنى الي هو مبنى ثانويه
واشوف كل العالم تطالع فيني
بعضهم يبتسم وبعضهم عادي وبعضهم يضحك
ف طنشت ومشيت بكل ثقه لقروب صحباتي
يوم وصلت لهم كلهم تنحوا فيني
صرت اوزع ابتسامات اقولهم ايشبكم شايفين شبح ؟؟
قاموا يضحكككوا ضحك مو صاحي ..
قالوا لي ي بت ايش مسووويه بنفسسك ؟؟؟
قلت ليه ايشش فيه ؟
طلعت لي وحده منهم مرايه وحطتها ف وجهي
وخدلك يالصصصصدمة
فمي ازررررق ازرررررق
هههههههههههههههههههههههههههههههههههههههههههههههههه ههههههههـ😂💙
ورررربي فششششششششلههه
المهم رحت احاول اغسلوا وانا مغطيتوا بيدي ع اساس محد شاف اصلا
وحاولوا صحباتي يصلحوا الوضع بمكياج والحمدلله دخلت الاختبار سليمه
وبس والله ...


ناوية ع حلقي >>
‏


رجعنا البيت بعد الضهر
وجوهم مستككه
ي انهم عتقوا ام المجلس
<< عتقوا مو اعفوا يعني من التعتيق << لاحد يقول شي خلاص
‏https://3.top4top.net/m_1333vooyo1.mov


قعدنا لين المغرب مدري شسوينا بس قعدت معصبه انا بدون سبب
واخرتها قلنا بنخرج ع العشا عشان مراييل وشنط وكده
قبل المغرب بدقايق اختي الصغيرة جاتني وانا ع جوالي جالسه تمسك راسي وتطبطب عليه
طنشتها
واشوفها تروح وترجع فوق التلات مرات
ف الاخير امسك راسي احسو زي شعر باربي العروسة داك الي معقققققد

تخيلوا ايش حاطة عليه ؟؟؟
حاطة رماد فحم معدوم

ي اني فصلت عليها فصله
المهم
‏

‏

<<مافيها تحترف
وبس والله انتهى امس

دا ستوري امس للي حاب يشوف


‏https://2.top4top.net/m_13332tb930.mov



اما اليوم
صحيت الساعه 6 الصبح ع جية اخوية قمت بس صليت واكلت ونمت تاني
وصحتني اختي ع 10 عشان الجامعه
المواد لسه م سجلتها ف قوموني عشان اطبع الورق واعبيه وان شاءالله تتسهل واكمل ف المدينه يااارب

>>
فطور اليوم
‏https://1.top4top.net/m_1333gnxwu0.mov




دحين سارت السسساعه 3:05م
وانا م نزلت المدونة
اطول وقت استغرقتوا والله ..



حرام
الله يرحموا
‏https://1.top4top.net/m_1333835vi2.mov

حزني اكل هفه بس خفيفه بالشماغ من احد افراد العايله
وطاح ع طاوله
ولقى حتفوا الان


خلاااص ي سسسمو خلاااااص