- رئيس اللجنة د/عبد الله/ (بعد ان استمع لسردها للموقف يفكر قليلا) .. اهــاا.. طيب يعني هذا الموقف اثر فيك وبناء عليه تولد عندك حالة من الانتقام بإنك تأخذين ورقة فارس وتحطينها بكتابها عشان يفتقدها.
- ريهام / (تهز رأسها أي "نعم" ثم تتنبه لنقطة) لكن فارس الان يدري اني انا اللي حطيت الورقة بشنطة مها..
- رئيس اللجنة د/عبد الله/ (مقاطعا) يعني انتم الاثنين متأمرين عليها؟
ريهام / (بتحفظ) لاء مو كذا بالضبط لاني في البداية قلت لفارس هي الي سرقت ورقتك وو.. يعني ابغا اورطها.
- رئيس اللجنة د/عبد الله/ طيب وكيف الان يعرف انك انتي الي مورطتها وكاذبه عليها؟
ريهام / (ينتابها خوف وقلق) يعني خفت من اني ما راح انجح لوحدي ..
-رئيس اللجنة د/عبد الله/(يأخذ نفس عميق ويلقي بقلمه على الاوارق اللتي تتوسط مكتبه ثم يحاول ان يضع اصبعيه على حافتي مقدمة رأسه بيديه الاثنتين ليقوم بحركة دائرية صغيرة لتحريك رأسها لشعوره ببعض التعب ولشدة التركيز ثم يأخذ نفس عميق ويستكمل التحقيق بشكل أهدى) الحين في فالبداية تقولين انك ورطيتها وكذبتي عالاثنين مها وفارس الان قلتي لفارس الحقيقة طيب انتي الان متناقضه ووشلون فارس كمل معك الكذبة وهو الان يدري منك؟
ريهام / (تعلم بأن المحقق يحاصرها ولا محاله سوف تعترف بشكل اكبر تفكر قليلا) الصراحة انا علمته عشان انا كنت ما ابغا استمر في البداية بكذبتي لاني بطلع في موقف محرج معه لو اكتشف اني اكذب عليه وهو الي يهمني ما اطلع بنظره كذابه ..
- رئيس اللجنة د/عبد الله/ (في انصات ومتابعة دقيقة) طيب..!
- ريهام / لكن اضطريت اقوله زي ما ذكرتك لك وو أأ .. حصل اللي حصل.
- خلود / (تتابع الموقف ثم تعود للنظر الى شاشة جهازها الكمبيوتر).
-رئيس اللجنة د/عبد الله/ الى الان ما جاوبتي على سؤالي .. كيف يكمل معك فارس في هالكذبة وهو يعرف انك جانيه عليها؟
ريهام / لاني كان عندي احساس ان فارس يحاول يتقرب من مها..(ثم تسكت)
- رئيس اللجنة د/عبد الله/ معجب يعني؟
- ريهام / اي نعم.
-رئيس اللجنة د/عبد الله/ بس؟
ريهام / اكيد اعجابه هذا يبخليه يوم ورى يوم يتودد لها وشفته اكثر من مره يحاول يكلمها.
-رئيس اللجنة د/عبد الله/ يعني الان دخلنا فموضوع ثاني .. (ثم يسكت قليلا).
- ريهام / (قلقة ومحرجة).
-رئيس اللجنة د/عبد الله/ تحبين فارس انتي صح ؟
- ريهام / (ترتبك) اا
- رئيس اللجنة د/عبد الله/وش اتفقنا عليه ؟ اننا نجاوب ونقول الحقيقة سعديني عشان مصلحتك بدون مراوغه.
- ريهام / (تهز رأسها أي :"اوك").. ايه احبه.
-رئيس اللجنة د/عبد الله/ حلوو.. طيب يعني انتي الان تعرفين انه يتودد لوحده غيرك وبكذا الغيرة عمتك وحبيتي انك تورطين الاثنين في بعض من جهة ورطتي مها عشان تنتقمين منها ومن جهة اخرى تبغينها بعد ما تكتشف الكذبة تكره فارس وكذلك تكرهك اكثر وبالتالي تحصلين على الي تبغينه وهو ان فارس يفقد الامل فيها ويبقا لك؟
- ريهام / (تنزل رأسها للاسفل مذهولة من تحليل وقراءة المحقق للموقف وكأنها تقول "نعم" .. ثم باختلاط دموع) صحيح.
- رئيس اللجنة د/عبد الله/ (يشعر بانه حصل على كثيرا مما يريد ثم يبدأ يقلب في اوراق القضية بشكل هادىء) هل انتي تغارين من مها ؟
- ريهام / لاء لكن هي اجبرتني اني اتصرف هالتصرف.
-رئيس اللجنة د/عبد الله/ يعني من دافع الإهانة .. ؟ حسيتي انها أهانتك؟
- ريهام / (تتأمل قليلا) الصراحة الاثنين مع بعض .. الغيرة والاهانة (ثم إنها ارادت ان تكمل فتسرع لتقول) بس في البداية ما كنت بغير منها او افكر اني اغير لكن اهم شي عندي هو اني ارد اعتباري ..
-رئيس اللجنة د/عبد الله/ الرغبة بالانتقام خلاكي تسوين كذا ؟
- ريهام / صحيح (تسكت لبرهه ثم تستطرد) الرغبة في الانتقام انستني حتى نفسي.
-رئيس اللجنة د/عبد الله/ (يقوم من كرسيه ويقف بجانبها ثم يضع يده على الطاولة بهدوء) طيب ..اجل وين الورقة؟
-ريهام / (خائفة ثم تصمت قليلا فتدخل يدها في شنطتها وتخرج ورقة امتحان فارس فتعطيها للمحقق بهدوء) تفضل.
-رئيس اللجنة د/عبد الله/ (يأخذها منها ويتوجه الى كرسيه فيجلس وهو يطلع على محتواها ثم يمد يده لخلود والرقة بها لتأخذها وتسجل معلوماتها)
-خلود / (تحضر بسرعة لتأخذ الورقة ثم تذهب بها الى كرسيها وتجلس لتكمل الاجراءات)
--رئيس اللجنة د/عبد الله/ / أممم.. يعني معك ..؟ ما حطيتيها في كتابها؟
- ريهام / (تتماسك وكانت متوترة .. وتأخذ نفس) هي حطيتها بشنطتها أول شي بعدين اخذتها بس بعد ما انتهت المحاضرة بطريقة.
-رئيس اللجنة د/عبد الله (متعجبا) وكيف قدرتي تسوين كل هذا بوقت قصير وفي نفس اليوم ؟ ووين مها عن شنطتها؟
- ريهام / (تصمت قليلا ثم تستدرك) الحقيقة انبني ضميري وحسيت اني اقدمت على شيىء مو من أخلاقي فلما حطيت الورقة بكتاب من كتبها واستغليت روحتها للدكتور تعطيه ورقتها تابعتها لين طلعت وقلت اذا كان الله كاتب لي اني استرجعها واكفر عن غلطتي بيصير المهم ضليت وراها ما كانت تحس بي فلما دخلت دورة المياه الله-يكرمك- حطت شنطتها بصندوق الحفظ ونست تقفل الباب حقه انا قلت اجرب وبالفعل لقيته مفتوح وبسرعه لأني اعرف الكتاب طلعته بسرعه وطلعت الورقة منه ورجعته مكانه حتى اني لما رجعت الشنطة بسرعه فتحت الباب بعدي بسرعه وكنت امشي بسرعه طالعه من الدورة فخفت انكشف ولكن ما انتبهت لي.
-رئيس اللجنة د/عبد الله/ (ينظر الى خلود وخلود تنظر له متعجب).
-خلود / (متعجبة وهي تتابع الموقف وتنظر الى الدكتور وتكتب بالكيبورد).
-رئيس اللجنة د/عبد الله/ اهاا يعني انتي الان اخطيتي من جهة وصلحتي موقفك بشكل اخر من جهة أخرى لكن هذا ما يعفيك من العقاب وتطبيق النظام.
-ريهام / (نادمة وتستمع فتهز رأسها بشكل بطيء أي :"أجل").
-رئيس اللجنة د/عبد الله/طيب وفارس وشهو دوره فالموضوع ؟ هل خطط معك هل ساعدك في كل هذا ولا قلتي له انك ودك تورطينها بدافع الانتقام منها ورد اعتبارك وبس ولا كيف ؟
ريهام / هو الان ما يدري اني بعترف لك هو يحسب الورقة بشنطتها واننا راح نصر على اتهامنا لها..
-رئيس اللجنة د/عبد الله/ (مقاطعاً) يعني الى الان يحسب الورقة بشنطتها وانكم بتكملون اتهامكم ومتفقين على كذا؟
- ريهام / اي نعم بس ماله ذنب بكل اللي حصل انا كل شي خططت له وكل شي انهيته بنفسي.
-رئيس اللجنة د/عبد الله/ اهاا مو انت الي تقررين هالشيىء الان له ذْنب ولا ماله ذْنب.
-ريهام / (صمت بتوتر).
-رئيس اللجنة د/عبد الله/ طيب عندك اقوال أخرى؟
-ريهام / لاء.
- ريهام / (تنظر للمحقق بخوف وندم) يعني فيها فصل؟
- رئيس اللجنة د/عبد الله /(ينظر الى الورق الذي بين يديه) هو بعد اعترافاتك هذي واستعادتك لجوهر المشكلة الي هو الورقة واعادتها لنا هنا وتحملك المسؤولية ان شاء الله ما راح يكون فيها فصل لكن راح توصلك نتيجة التحقيق انتظريها.
- ريهام/ (تصمت قليلا وهي تفكر وتنظر الى جوالها وربما كانت تقرأ رسالة او تنظر الى الوقت في الشاشة).
-رئيس اللجنة د/عبد الله / (يضع قلمه على الطاولة بهدوء) اسمعي يا خت ريهام انتي الان لابد يكون عندك تصور لحجم المشكلة الي تسببتي فيها ولازم عليك انك تحاسبين نفسك في تصرفاتك وان تعيدين حساباتك بضبط النفس واتخاذ قرارتك وعلى ما اعرف انك في السنة الأخيرة واخر ترم يعني ما كان له داعي كل هالي حصل عموما انتظري نتيجة التحقيق بالكثير بعد بكرة.. يعطيك العافية .. تفضلي.
- ريهام / (ممسكة بشنطتها متأهبتاً للانصراف) الله يعافيك.
- خلود / (وقد طبعت المحضر ..) اخت ريهام تعالي وقعي لي هنا اذا سمحتي.
- ريهام / (تأتيها فتقوم بالتوقيع على اقوالها ثم تنصرف) مشكورين.
-رئيس اللجنة د/عبد الله /حياك الله.
- خلود / هلا.
- رئيس اللجنة د/عبد الله / (ينظر الى ساعته ..ثم ينظر الى خلود) نادي لي فارس.
-خلود / (تقوم لتناديه) حاضر دكتور.
-فارس / (يأتي وقد اعياه الانتظار كما اعيى من بالخارج من فيصل ونايف ورنيم فارس).
- رئيس اللجنة د/عبد الله / (يبتسم له) تفضل استرح (ثم ينظر الى خلود ويصمت قليلا) .. شوفي (ثم ييبحث عن اوراق لديه قريبة منه فيجدها ثم يعطيها لخلود) خلي فيصل ونايف ورنيم يجاوبون على هالاسئلة ويسجلون معلوماتهم فيها ويوقعون عالتعهد انهم يحضرون بكره لان الوقت انتهى بالنسبة لنا هنا تقريبا ما عاد بقا كثير.
- خلود / (بسرعة تذهب) ابشر دكتور.
- رئيس اللجنة د/عبد الله / (ينظر الى فارس ويبدأ بإخباره بما أفادت به ريهام) اخوي فارس ..