مو گثير اللي لأيامي جنيت
مو قليل اللي من اْوهامي خسرت

ياما قلت انّي من الدنيا قويت
والحقيقه ما على القوّه قدرت

قد خذيت أشياء لگن ما بغيت
لَا رضيت ولَا بعد حتى شگرت

فـ المقابل ما گسبت إلا لقيت
شيّ يخنِقْ فرحة اللي به ظفرت

گلّ دربٍ تايهٍ به قد خطيت
لين مثله صرْت لگن ما شعرت

تايه مدْري وش اللي له سريت
صامت ما لمْت حدّ ولا عذرت

ياه گم قلبٍ انا عنّه مشيت
مـ انجبرت أرحل وربي ما أنجبرت

بس أحس إني إلى البُعد اهتديت
مو تگبّر بس أنا يمگن گبرت

والدليل أشيا گثير اللي نسيت
وان بغيت أذْگر گرهت اللي ذگرت

إي گرهت أذْگر بگائي لا بگيت
بسْ نسيت أنسى أنا گيف انغدرت

هذا گل اللي رفضته أو رضيت
هذا هو اللي أنا منْه انگسَرت

هذا حال العمْر يمضي لو أبيت
وآنا ما أرفض وَ لگن ما صبرت

بسْ أببقى لا ذكرت الله وْدعيت
أرجو انّي أبتسم لو مانتصرت

يا عسَىْ يزهى بياضي لا نويت
يا عساي اْفخر بـ طيبي لا افتخرت


مما أعجبني..
تحياتي