عندي لكم قصة محزنه حصلت في قريتي

,
شابه كافحت ووصلت لمستوى دراسي محترم ,
توظفت بوظيفة مرموقه ,
تقدم لها ابن عمها الطامع فيها ..
من باب المعروف قبلت فيه كقبول اهلها فيه
ابن عمها ميسور الحال لكنه دون مستواها ,
أول زواجهم البنت اشترت سيارة لزوجها لاجل مشاوريرها
ولاجل متطلباتهم بشكل عام ,
الزوج لقى له وظيفة تسد حاجته وتغطي على مصاريفهم
بعد قرابة السنه الزوجه اشترت أرض ومن هنا بدأت المشكلة
الناس ماترحم وقلوبهم سوداء , (الحسد, وعدم الدعاء بالتوفيق لهم)
غير انوا البنت وزوجها مامشو على استعينوا على قضاء حوائجكم بالكتمان
فإن كل ذي نعمة محسود.
البنت مرضت والزوج حاول يعالجها سنه وشوي على حسب قدرته
لكن المصيبه مو هنا , المصيبه ان الزوج تعب من الوضع هذا
على حد قوله , وتزوج على البنت بحجة انه يلزم الراحه
وعلاج البنت برأيه انوا صعب وتعب من الرقاه و و
وقال انا مابغى السيارة ولا الأرض لاجل مايقولوا
اني طامع فيها ..
البنت لما عرفت هالشيء , اصيبت بصدمه قوية من بعدها
توفاها الله سبحانه وتعالى
السؤال : ليش بعض البشر ماعنده انسانيه
معك الحق في كل شيء وانك تعبت على قولتك
لكن الامور مو بالسهوله خذوه فغلوه ,
البنت اعطتك كل شيء , أفنت عمرها على شانك
كل اللي هي فيه منك بالاخر جزاء احسانها لك هالشيء
بوقت العزاء يسأل عديله (زوج أختها) أجي العزاء ولا لأ
قال له لو جيت بيقطعونك اخوانها ...

انا وقت ماعرفت بالسالفة جد حزنت من هالنماذج في مجتمعنا
اللي يعيشو بينا , ذئاب بشرية , ماهمها الا نفسها ,

سؤالي اللي توفت هل صدمتها وذنبها يكون في رقبة هالآدمي
والله يحاسبه بالآخر ام يعتبر ماله ذنب والبنت ماتحملت هالشيء
أكيد رحمه الله فوق كل شيء , والله رحيم , لكن لكل سبب مسبب
والأعمار بيد الله ..

اشكركم