صراحة موضوع الناس اللي بتتحجج بإنها اللي في قلبها على لسانها دي زاد اوي و بقى يضايق
لأن كل اللي نفسه يقول حاجة و يجرح في شخص بيكون دي حجته
اصل انا صريح و محبش انافق و ان اللي في قلبي على لساني

المهم سيبنا من الناس دي
خلينا في اجازة النهاردة
كل عام و الجميع بخير بمناسبة راس السنة الهجرية

طبعا رغم ان عارفة ان النهاردة اجازة بس نسيت امبارح اقفل المنبه بتاع المويايل فطبعا كالعادة رن انهاردة الصبح في ميعاد صحيان كل يوم الصبح ..صحيت بس نمت تاني و صحيت بعدها بساعة و نسيت ساعتها بقى الاجازة و كنت بين الصحيان و النوم و طبعا فكرت اني اتأخرت ع الشغل
و بدأت اجري و انا بقول اتأخرت ع الشغل هههههه
بابا رد عليا و قاللي مش انتوا اجازة انهاردة
بجد ساعتها ارتاحت و دخلت كملت نوم تاني