09-03-19, 10:22 PM
|
#567 |
| آنثــى من عــالـــم الخيـــال | | | | | | | | | | | | | | | | الهوايه » السفر بين عالم المعرفه وروائع الطبيعه | | | | | | | | | | 
d تـــراتـيــــل مخمـليــــه ≃ الخـامســه عشــــر ≃ بيــــت جــــدو c
كتير بشتاق لبيت جدو الكبير يلي قضيت فيه طفولتي , وآحلا وآزهى 10 سنين من عمري !!
كنا عم نزورا وقت الويك-آند وخلال المناسبات والاحتفالات العائليه , بتذكر كل تفاصيلو وكل متر منو , خاصتا آنا مهندسه مدنيه وهيدا دومين شغلي .
آيام الولدنه , نحنا ( آنا ومامتي وبيى وآخواتي وآخواني ) كنا عايشين بمدينه آخرى كرمال شغل البابا , لهيك كان عننا بيتين , بيت بمنطقتنا , وبيت بمنطقه جدو وستي وكانت منطقه سياحيه بتعقد !!
بيت جدي الكبير , بلآساس بقا كان فيلا ( بس جدي كان بيحب نقول بيت بدال فيلا)
كان مساحتو كتير كبيره وبيضم 3 حدائق واسعه , آشجار عملاقه , نافوره كبيره بالوسط , و 4 مباني ( بيوت ) وحده كبيره و2 وسط و1 زغيره!
آكبر بيت آو (المبنى الماستر) كان مقابيل الباب الرئيسي , وكان بيت جدو وستى وعمي الزغير عايش معن .
بزبط متل هيدا التصميم ,,, كان الواجهات اكتريتن كرانيت آبيض , مع حجر وزجاج
 آما المدخل والحدائق تقريبا كانو بهالتصميم ...
 البيت يلي ع يمين الباب الرئيسي ... كان بيت متوسط لالنا ( وقت كننا بنزور جدو وستي )
و كتير بتشبها لهالبيت ...
 وكمان كان ( بيت مؤقت للضيوف ) وقت بيجو ضيوف يباتو في بيت جدو ( لآن جدي كان مدير دائرة كبيره وحكيم العائله والاكتريه بيطلبو استشاراتو ), وعطول جاين لعندو ضيوف من اكتريه المناطق
والبيتين يلي ع شمال كانو : مبنى خاص ... للمطبخ ومستلزماتو ومخزن وفرنين فيه
والمنزل الزغير ... كان عباره عن 2 سيت حمامين شرقيين وغربيين وغرف الغسالات .
آما الورشه والمرآب والكراج كانو في مساحه آضافيه مرتبطين بممر في الجهه الشماليه ...
والحدائق الواسعات ال3 كانو بيفصلو بين المنازل ال4
آحلا شي البلكونات كانو يطلو ع الساحه الرئيسيه والجناين , والبيت معبى بعبير الورود , والآشجار الطوال عاملين ظل , عطول بتسمع صوت خرير ماي النافورات مع زقزقه العصافير ,,,,
لهيك كننا بنصحى الصبح ع سيمفونيه طبيعيه ساحره , ومن كتر الحلا مابنوعى بكير !!
وبكل صراحه وبعد كل هولى السنين بدي آقول :-
آنو البيـــت الكبيــــر مابينمحي آبدا من البـــال , ورح بيظل { بيت القلب } يلي كل انسان رح يشتاقلو طول مراحل حياتو , بيحتويه بكل حب وبيرجعلو السكينه !!
من طفولتو , صباه , شبابو , وقت بيصير آم وآب ,,, وحتى لو يصيرو جد وجده ولاخر آيام عمرن ...
رح بيضل القلب والروح عامره بالحنين والآشتياق لهالبيت الكبير والارواح الجميله يلي كانو ساكنيه !!
✍....... a تـــاتــيـــانــــــا b |
|
|
|
 |