حبك يكفيني حبيبي وان قسيت
مستحيل انسى صوتك ولا هواك


تجيني شكوك لكني عنها غضيت
وهاي من زود حبي وكبر غلاك


من عرفتك وانا بدنيتي تهنيت
لاتعب ولاهموم وانا باقي معاك


لو تجي تطلب مني الروح عطيت
لا وتجي بدون شوري تركض وراك


انت الوحيد بحياتي واللي حبيت
وماقدر اعيش لحظة وحدة بلياك


شلون بتنفس والقلب عندك خليت
وكيف بحس وكل احساسي وياك


خلني بين احضانك ان غفيت
واهمس بإذني وشوف قلبي شكثر حباك


وشوف احساس قلبي لما فيك تغنيت
والفرحة بعيوني وانا مناظر حلاك


عسى يارب تحفظني مع اللي هويت
احبك ياحب حياتي يا ملاك