السلام عليكم ورحمة الله وبركاته

هذي سلمكم الله نكته رافقتني ايام الطفولة ما خليت احد ما قلتهها له والمشكله
انا الوحيد الي كنت اضحك عليها هههههههههههههههه
حتى عامل المغسله اليمني اخر مره قلتها له قال روح عني يا قني
طيب احترم الحس الفكاهي الي عندي ههههههههه
المهم مالكم بالطويله

هذا سلمكم الله مستشفى مجانين وابتلشو بمجانينهم
وقالو خلنا نسفرهم الخارج يتعالجون ونشوف هل راح يتحسنون او لا
وركبوهم الطيارة وبعد ما اقلعت الطياره
المجانين استلجوا وبدو يصارخون ويقامزون ويلعبون
وهنا عاد ما قدر يتحمل الكابتن وارسل مساعده
يهجدهم شوي
المهم اول ما جاء المساعد شاف واحد جالس ومتكي لحاله وما يطلع ازعاج
وقال شكله هذا اعقلهم
قام قال له تقدر تسكتهم وتهجدهم ازعجونا
قال العاقل ايه اقدر
وراح المساعد
وقعدو شوي ولاحظو ان الازعاج اختفى وصار الهدوء مريب
قال الكابتن روح بالله شوف وش سالفتهم
راح المساعد وما لقى احد غير العاقل وقال وين المجانين
قال ابد والله طلعتهم يلعبون بالحوش ههههههههههههههههههههههه

خلاص انتهت النتكه
اتمنى محد يسألني هذي نكته ولا سالفه ولا وش هالطياره الي ما فيها مضيفين
ولا وش هالمستشفى الي مسفر المجانين لحالهم
اضحك وانت ساكت بس >>>>هذا بكل مكان يتهاوش ههههههههههههههههه