اجمل الاوقات اللي بقضيها بجد بتكون يوم ما يجي حبيب قلبي ابن اخويا
كلنا بالبيت بدون مبالغة بنكون مبسوطين و فرحانين بوجوده
وجوده بيخلي البيت حاجة تانية كله فرح و سعادة و لعب و يوم لما يمشوا يرحوا بيتهم
البيت بيرجع تاني هادي و ممل
بجد مفيش وصف لإحساسي لما يكون موجود بنسى كل حاجة و كل وجع و كل تعب و اي مشاكل و موودي كله بيتغير للأحسن ..و بس بعيش اجمل اللحظات بوجوده لعب و ضحك و حركاته الطفولية الجميلة اللي بتاخد القلب
لما احب اشغل اغنية اطفال له بشغل الاغاني القديمة بتاعة زمان 😂😂😂😂
بحب اغاني عفاف راضي بتاعة الاطفال جدا
هو اصلا مبيبقاش مهتم بيبقى بس عايز يمسك التاب مني
غالبا انا اللي بقعد اسمع الاغاني دي 😂😂😂
دي على طول بحب اشغلها بتفكرني بأيام حلوة كتير ..ذكريات الطفولة اللي متتنسيش
سوسة كف عروسة 😘
