على ايام الجامعه
اتذكر كان اول صديق تعرفت عليه
كنا لما بندخل القاعات نبتسم لبعض
فقط سلام وعيون تتلاقى
المهم كان بيوم من الايام كان عندي محاظره بلليل
وبالغالب محاظرات الليل تكون من ساعتين يعني
ثقافة اسلامية وغيره
كنت جالس بالقاعه وخوينا يبحث عن كرسي من بعيد
اشرت عليه تعال
جا وهو مبتسم ، سلم وجلس
قلت له ماشاء الله ماخذ المحاظره هالوقت بعد
قال ايوه اخف
طقطقه بلليل وعشان اخفف على نفسي

قال ممكن اقولك شيء!!!
قلت له تفضل

قال اختي تقول لي وناسه يكون عندك صديق
من الجامعه تحسها حركات
وانا ماعندي اصدقاء
قلت له اها ماشاء الله على اختك هههه
كان ودي اقوله يعني تبيني اكون صديقك بس سكت وخليته يكمل
عاد بالاخير قالها عادي اكون صديقك

قلت له شدعوى حياك الله احتا زملاء دراسه اكيد نكون اصدقاء
حياك انت وربعك قام يضحك وقال انا لو عندي ربع جيتك مستحي ومكلمك

هذا الصديق الى الان معي
صحيح افترقنا عن بعض لضروف خاصه بي
لكن اعدنا التواصل


يتبع