(( في اليــــــــــــــــــــــــــــــــــوم التالي ....
تولين على الفراش ... لما رنت ساعتها بسرعه طفتها بطفش ....
مامداها تغمض عيونها الا ورن منبه جوالها ...
تأففت بملل .. ثم طفته ...
بهاللحظه طار النوم عنها ...
كانت منسدحه وهي مفتحه عيونها ... تذكرت سالفة جوجو وطلال ...
تنهدت بضيقه وهي تفكر وش تسوي بعد اللي صار ...
وجودها بينهم ماعاد له معنى....
توليــــــــــــــــن ... لين متى راح تبجين عشان طلال اللي موب حاس فيج ...
لين متى وانتي ضعيفه جدامه ...
خليج قويه .... وانسيه ...
أنســـــــــــــــــــآآه !!!!! بس ماأقدر انساه ...
عيل تجاهليه بقدر الامكان ....
أي نعم راح أحاول اتجاهله ....
راح اقوي قلبي ...
وماعلي اذا تزوج واو لا .. انا شيخصني .. كيفهم .. أهم يحبون بعض
خلاص اللـ ......... الله يوفقهم ..
((قطع عليها طق الباب ...
-(بصوت عالي وهي تحاول تكون نشيطه لليوم :~ خلاص قمت ...
((الخدامه راحت ... أما تولين قامت بسرعه ودخلت تتروش ...
$$ هـــــــــــل تعتقدون بالفعل تولين باستطاعتها أن
تتجاهل حبها وهو طـــــــــــلآل ..؟؟ $$
بالتأكيد الأيام سوف تكشف لنا كل شيئ $$
فلنذهب الآن الى فيصل ..$$
((فيصل ركب سيارته وبسرعه عالجامعه ...
لما وصل الجامعه ... نزل بسرعه وهو رايح يدور جينفر ...
دق عليها بس جوالها مقفل ...
فيصـــــــــــــــــــــــــــــل قرر ... وراح ينفذ اللي بباله ..
بس ماحصل جينفر ..
حصل وتين ...
حس بقلبه راح يوقف لما شاف وتين ...
تقدم لها وهو يتنحنح ..
وتين لما شافته بسرعه نزلت راسها ... ماتحب تكلم أولاد بس فيصل الظاهر ماراح
يعطيها مجال تختار ...
-(فيصل وهو متلعثم :~ آآآآ ... وتـ ... وتين ....ابي اسألج بس سؤال واحد ...
-.......................
-آآآآ ... انتي للحين تحبين عـ ... عبادي ..؟؟
-(بصوت مره مو واظح :~ ليش تسأل ..؟
-شنو !!!
-قلت ليش تسأل ؟؟؟
-أسأل لأنه رفيجي وأبي اعرف اذا فيه مجال يرد لج أو فيه مجال لغيره
يحبونج .؟؟
-(رفعت راسها وهي مو فاهمه شي ... بس قالت :~ شتقصد ؟؟؟
-(بلع ريقه اللي جف ثم قال :~ قصدي واظح ... مارديتي علي ...!! فيه مجال يرد لج
بعد كل اللي صار ولا لا .؟؟
-(مافهمت بعض كلامه بس ماعطت للموضوع اهتمام وقالت :~ اصلا لو هو يحبني
جان من البدايه تقدم لي ... بس مثل ماقال انا مجرد لعبه عنده
أو وسيله عشان يقهر واحد من ربعه ...
-يـ ... يعني انتي تحبينه للحين ...
-(وقفت وهي تطالعه بصمت ثم قالت :~ مايهم اذا انا احبه خلاص ... انا وعبادي انتهينا
-(لما راحت فيصل قلبه يعورررره لأنه يبي يقولها انه هو يحبها
بس مقهور لأن جينفر هي اللي قلبت حياته وماعاد يقدر يفصح عن مشاعره للوتين
ابدا دام عنده طفل من بنت ثانيه وبالحرام ..)
((وهو يطالع وتين رايحه .. وبقلبه بقول ...
آآآآآآآآآآآآآآآخ بس شكثر احبج ياوتين ... أولمره في حياتي أحس بهالأحساس ..
ماتوقعت في يوم اني راح أحب صج ...
بس شنو فايدة حبي وانا ماقلت لج أو بالأصح خلاص ماعاد اقدر اقولج ...
((قطع عليه أفكاره فهد اللي غطى عيونه :~ منو الحلو اللي مغطي لك عيونك ..؟؟
-(يضحك :~ باللاهي عاد ... من غيره فهود حبيب قلبي ...
(فهد وهو يطالعه وفاتح يدينه يستعبط :~ولاااك تؤبرني ياراقل ...
(ثم ضمه بقوه .. فيصل وهو يضحك دف فهد :~ يععع اقرفتني على هالصبح ياشيخ ...
-من حلاة ويهك عاد امش بس امش خلنا نروح نفطر لأني يوعااان ...
-(مافطرت ..!!
-لا .. وانت ..
-هههـ بعد لا ..
((أميره كانت توها داخله من البوابه ....
صدمت براكان ...
لما طلحت شنطتها جلست بتاخذها بس راكان خذها قبلها ثم مد الشنطه لها بهدوئه المعتاد .
أميره خذتها وهي توها بتقول شكرا الا واختفى من قدامها ...
التفتت تدوره بس مالقته..!!!!!!
راكان وهو يمشي رايح للمكتبه الجامعه ...
لما دخل راح يدور له على كتاب ...
كانت المكتبــــــه فاضيه ومافيه غيره هو وشخص ثاني ....
راكان يسمع صوت بالجهه الثانيه بس مايدري مين ...
بس تجاهل الوضع ...
ماح سالا بصوت ضحكات تعلا ... شم ريحه كريهه ...
راكان كان بيده كذا كتاب ثقيل ...
لما لف بيروح للطاوله ...
طلعت بوجهه بنت ... ظرب كتفها بالكتب اللي طاحت عالأرض ..
راكان انقهر من البنت ... بس لما رفع عيونه عليها ...
كشر بقرف من شكلها ...
((شخصيـــــــــــــــــــــــــــــــــــــه جديده ...
مشــــــــــآعل .... معروفــــــــــــــــــه بلقب (( ميشـــــو )) ...
شخصيتـــــهـــــــــآ ...
تقدرون تقولون ... X فـــــي x ...
يعني عايشه حياتها من أجل لا شيئ غير الظيـــــآع ...
الزقاير شي عندها روتيني ...
لبسها غريب وتحب اللون الأبيــــــــــض ... بعض الاحيان تجيهم على شكل
ملابس ممزقه ...كل ملابسها لون ابيض ...
ماخذه الدنيا .(( فــــــــــــــري )) ..
ومايهمها أحد بالكون كله ...
قاصه شعرها بوي وبقووووووه يعني شعراتها
تجي طرف الأصبع ... وتحوسه بالجل ... صابغته (( أششششششقر ثللللجي )) ...
أحد حواجبها شاطبته بالموس ...
زمام بأنفها وحلق بشفتها ...
((ملامحها غريبه .. كل شي حاد حتى بنظراتها تخوف ...
اللي يشوفها يقول هذي أقذر بنت على وجه الأرض ...
((من أصــــــــــــــــــــل كندي ... بس أمها لبنانيه وتطلقت من أبوها
لما كانت بالمهاد ... وتزوجت واحد امراتي ....
عشان كذا هي بس بالملف اصلها كندي ...
بس باللغه ماتعرف غير العربي وللهجه الامراتيه ... وأي أحد يسألها
تقول له أنا من الامارات ...
لون عيونها رمادي طبيعي ...
العمــــــــر :~ 21 سنـــــــــــــــــه ...
فيها طيبه بس عمرها ماقد أظهرتها ولا حتى هي قد حست بهالطيبه اللي تمتلكها ...
رغم ظياعها للآخر حد .... الا انها تكره الأولاد بشكل عام ... من بعد أبوها
وزوج أمها ... صارت تكره الجنس الذكري بشكل عااام ...
شلتها مثلها ظياع بظياع وكلهم بنات ...
((ملاحظـــــــــــــــه :~
كانت صاحبة وحده من توأمنـــــــــــــآ ... صاحبتها لما كانو صغااااااار ..
بس مايدرون عن بعض الحين لأنهم افترقو من كانو صغار بعمر 9 سنوات ..))
.............
((ميشو نزلت عيونها على راكان وطالعته بحتقااااااار وسخريه ...
راكان ماعطاها وجه فجلس وجمع كتبه ...
بس ميشو بوقاحه منها رجفت كتاب للبعيد وهي تقول بدون ماتطالعه ...
-المره اليايه شوف جدامك عدل ...
-(راكان مسكها بقوه وهو يقول :~ روحي ييبي الكتاب ...
-هههههههههااااااي ... مسجين انت ولله رحمتك ... (( سحبت يدها بقوه منه وهي تقول
بوقاحه :~ أحلم على قدك يا.... هه وخر عني زييين ...
((راكان يكره هالنوعيه من البشر ... عشان كذا ماجادلها أكثر ولف ياخذ الكتاب ..
أما مشاعل كملت مكالمتها وضحكها ... رمت الزقاره عند رجول راكان
وهي تقول :~ طفها ياحلو ...
((ثم راحت ... راكان تنهد بقرف من هالأشكال ... لف ولا طفا الزقاره ...
جلس وكمل يقرى الكتب اللي طلعها لأن وراه بحث ))
((من جهه ثانيـــــــــــــــــه ...
ليــــــــــــــــــــآن ...
بسرعه لبست عبايتها وتحجبت ... ثم طلعت بتمشي
للجامعه كعادتها ...
بس هالمره صقر كان واقف قدام البنايه وينتظرها ...
لما شافها طلعت بسرعه حرك السياره ووقف عندها وهي تمشي بالرصيف ..
فتح الدريشه وهو يقول بابتسامه :~ تفضلي ياأميــــــــــرة العالم كلهم ههههـ ...
(ليان خلقه كارهته ... وعاد من بعد حركته أمس صارت ماتطيق حتى تشوف وجهه ..
كملت طريقها ولا ردت عليه ...
-(صقر ماراح ييأس من بعد اليوم ... ظرب البوري بشكل مزعج وهو يقول
بعناد :~ ماراح الروح من عندج وأوقف هالازعاج الا لما تركبين وياي ...
(وكمل يظرب بواري ... ليان توترت من ازعاجه واللي بالشارع صارو يطالعونهم ..
عشان كذا بسرعه فتحت الباب الخلفي وجلست ...
-(صقر وهو مبتسم :~ وبرضو ماراح اتحرك الا لما تركبين جدام عندي ..
لا تنسين انا الحين خطيييبج ....
((ليان مقهووووووره منه .. بس فضلت انها تطنشه ...
صقر حس انو مافي أمل منها .. لما مشى للجامعه قال بضحك :~
عيل صرت سايق عندج هاه __^ ...
-(تطالع الدريشه ومطنشته )
-(صقر مايأس :~ طيب متى محاظرتج الأولى ..!!
-...................
-(علد جملته بكل صبر وابتسامه :~ متى محاظرتج ..!!
-(تنهدت بطفش :~ الساعه 9 ...
-(صقر الرتاح انها ردت ثم قال :~ حلو عيل الحين الساعه 7 وانا محاظرتي
الساعه ثمان ... بس عادي لو اسحب عليها لعيونج .. جم عندي من ليونه أنا __^
ونروح نفطر بأي مطعم
تبينه ((ثم سكت شوي وهو يفكر انو ليان أكيد ماتعرف حركات المطاعم
أو ماقد طبتها بحياتها ...فكمل يقول :~ عندي لج مطعم
انا ماأييه الا للفطور ... ياعليه شاي مع حليب ماأدري شلون
يظبطه .. بيعيبج انا متأكد ....
(رفع عيونه بالمرايه يطالعها بس تضايق لما شافها تطالع الشباك
ومطنشته ...
صقر لا تيأس ... الطريج جدامك طويل ...
(( طيب نروح الحين للتولين ...
تولين جت بتنزل وهي سرحاااانه بطلال وجوجو ...
-(أم تولين :~ توتي شدعوآ ماودج تسلمين علي قبل لا تزلين ..
-(تولين ماحست بروحها ... باست أمها وهي تقول :~ سوري
بس مانتبهت ..
-(أم تولين خافت لا يكون فيها شي فقالت :~ تولين فيج شي ..
-(تولين تتصنع الابتسامه :~ لا .. يالله بااااي ..
(نزلت وهي توها بتدخل البوابه ...
وقفت تطالع الجامعه ...
((توليــــــــــــــــــــــن من اليوم ورايح .. تجاهلي طلال ..
الدكتور طلال وبس ...
وجوجو تظل صاحبتج ...
لازم الرد لحياتي قبل لا أقابل الدكتور طلال ..
((تنهدت بصوت عالي وهي تبتسم وتحاول تاخذ نشاط للي راح تقابله اليوم
من أحداث كيف تتجاهل الدكتور طلال وتحاول تنسى حبها له ....
دخلت الجامعه وهي للحين حالتها ؤكي على ؤكي ...
وكل ماجى في بالها طلال بسرعه تحاول تغير تفكيرها لأي شي ثاني ...
((مرت من عند ريان اللي جالس ويطالع الطلاب يدور على نارا
يبي يعتذر منها على اللي صار ...
بس توتر لأنها للحين مو باينه ...
$$ حسنـــــــــــــــــــا ..لنعد الــــــى نـــــــــــآرا ..$$
((نارا تأن بألم ... نوف كانت نايمه على الكنبه اللي جمبها ..
فتحت عيونها ببطئ وتكاسل لأنها أمس كله سهرانه وهي تحاول تهدي
نارا اللي مضت الليله كلها وهي تحلم وتبكي ...
نوف لما شافت نارا تتألم ..بسرعه وقفت عندها وهي تلمس حرارة نارا ...
بس لقت الحراره خفت أحسن من الليل كله ونوف تحط فوطه فيها مويها
على راس نارا ...
-(نوف وهي تمسح على شعر نارا بحنان وخوف :~ نارا انتي بخير الحين .!.! تسمعيني .؟؟
-(نارا فتحت عيونها بتعب ... تحاول تميز الشخص اللي واقف قبالها ..
مدت يدها على على يدها الثانيه وهي تتألم ...
نوف بهاللحظه خافت لو يكون جد كسر وهم للحين ماجبروه لها ..
-نارو أنا نوف تسمعيني .؟؟
-(وهي تتنفس بصعوبه وتعب :~ أبي ماي ..
((بسرعه نوف قالت :~ انشالله ..
(ركضت تجيب لها مويه ... وهي راجعه شربت نارا باهتمام ..)
نارا منسدحه وهي مفتحه عيونها بس متألممممه من جسمها كله ...
نوف جلست عندها وهي تقول بعطف عشان تحسس نارا بالأمان :~
نارا شصار لج !! منو اللي ساوا لج جذي ..؟؟
(نارا بهاللحظه تذكرت كل شي صار ...
تذكرت كيف مشاري كان يبي يعتدي عليها ... وتذكرت كيف
دخلت السكينه بجسم مشاري ...
صحيح حطت السكينه قدامها وكأنها تدافع عن نفسها وتهدده بالسكين ...
بس مشاري مانتبه للسكينه وقدم جسمه لها بقوه بحيث دخل جسمه بالسكينه ...
((نارا بهاللحظه بدت انفاسها تتصاعد مره ثانيه وترتجف ...
شوي وشوي بدت تنزل دموعها وهي تردد جملة :~ لا أنا ماقتلته ماقتلته ..
لاااااا (شوي بدت تصارخ وهي تمسك راها وتبكي :~ أنا ماقتلته ماقتلتــــــــــــــه ..
((نوف بخوف تحاول تهدي نارا بس ماقدرت ... بسرعه دقت على الدكتوره ونادتها تجيب سرعه ...
وبنفس اللحظه الرسلت لليزيد رساله :~
أنا نوف ... بغيت اقولك ان نارا صحت ..
بس حالتها موب طبيعيه .. وتردد كلمات غريبه
(( وصل المسج لليزي اللي مانام الليل كله ... كان عند البحر منسدح على كرسي
طويل ... رفع جواله بتعب من السهر وكثر التفكير بنارا الليل كله ..
لما قرى المسج بسرعه قام بيروح للبيت نوف ...))
أنتهــــــــــــــــــــــى البارت الأخير من الباب السادس ..
وسوف القاكـــــــــــــــم بااذن الله في الباب السابع بالجزء الأول ..
انتظروني يوم الأثنين الســـــــــاعه السادسه ماقبل المغرب ...
....
آرائكمـ حول البارت وتعليقاتكمـ ...
تعلمون بأني سأشتاق لكمـ ...
كما أعلم بأنكمـ ستشتاقون للأبطال القصه ...
تحياتـــــــــــــــــــــي ومودتي للجميـــــــــــــــع ..