تفاعل حسي المجنون مع نار الهوى والشوق
....................................ورديــته عن جنونـــه وعيا لا يطـــاوعني
تناثر هالورق مني وشلته الرياح لفوق
.......................................اكيد الغيم يهمس له .. وهمساته تداعبني
تمايل قطره الحاني يبلل مهجتي والموق
................................سقاني لاقصى مافيني وقصده بس يبهجني
بلحظتها لقيت الحب و فعيون الهوى والذوق
.................................وعازف يعزف ألحانه على أوتاره وتطربني
سمعته والنغم يجري بمجرى الدم وسط عروق
................................سحابٍ شاقني برقه وحظي فيه (عاكسني)
وصوت الريح يزعجني يحرك غيمته برفوق
......................................احس البرد بأغصاني واحس الهم متعبني
يعاتب صمتي التفكير واحساسي بعد مخنوق
....................................ياليت القلب مايعشق وهو بالعشق لايمني
تغيب بلحظة النسيان وترجع بالفكر ملحوق
...............................تطاردني طيوف الهم وسراب الوقت شاغلني
يخايلني سحاب الشوق قديمٍ في الهوى مخلوق
....................................وأقول التوبه ياقلبي و لكن مايطاوعني