يوم عصيب متعب و يرفع الضغط بجد انهاردة في الشغل

مش تعب الشغل او المجهود اللي بنعمله هو اللي بيتعب
لا ده حاجة اكبر بكتير مش عارفة اصلا هما بيفكروا ازاي
سبق و قلتها كتير هنا و هناك ان بقى خلاص اللي بيشتغل زي اللي مش بيشتغل مش كده و بس
لا ده كمان بيلوموا اللي بيشتغل انه بيشتغل و عنده ضمير و بيحاول يعمل الصح و بيطلعوه غلطان و المشكلة فيه

شكلي هفضل في الدوامة دي كتير و هيفضلوا يستنزفوا طاقتنا و قدرتنا ع التحمل كده
انا بجد مبقاش عندي قدرة للتحمل لأي مشاكل خارجية غير مشاكلي الشخصية الخاصة بيا
حتى دي بتحملها بالعافية كمان مش ناقصين ضغوطات اكتر من كده

استغفر الله العلي العظيم مش كفاية ان كل واحد فيه اللي مكفيه من مشاكله في حياته الخاصة لا تزيد كمان عليه مشاكل و قرف الشغل و الناس اللي معدومين الضمير فيه و عايزينا نمشي على خطاهم
يلا الله المستعان
و ربنا يمهل و لا يهمل و اكيد هيجي اليوم يظهر الحق ..اللهم عاجلا و ليس آجلا