09-17-19, 09:53 PM
|
#603 |
| آنثــى من عــالـــم الخيـــال | | | | | | | | | | | | | | | | الهوايه » السفر بين عالم المعرفه وروائع الطبيعه | | | | | | | | | | 
d تـــراتـيــــل مخمـليــــه ≃ السـادسه عشـر ≃ عـالــم الآحــلام c
من اكتر الاشيا يلي بتبهج روحي وبتفرح قلبي هني الآحلام الجميله , الن مفعول السحر ع نفسيتي!
في مجموعه من الاحلام العظيمه يلي شفتن قبل ،،، بعدني مانسيت ولو شي تفصيله زغيره منن (متل حلم ستي (مامت مامتي) وهي في منزله رفيعه من عالم اخر )
بشكل عام عم شوف كل انواع الاحلام ( العاديه والمرعبه ويلي فيهن آنذار آو خبريات )
بس كتر خير الله ... آكتريه الاحلام يلي عم شوفن هني ...
①حدائق وبساتين مزهره وورود كبار قد الشجره, لما بتمشي بشم عطر الورود وريحتهن ساحره .
②بيوت وقصور ودغري بركض للسطح او شبابيك تاشوف منظر الاشجار والجنينات والنافورات من فوق
③ركوب الاحصنه وعم اعبر سهول وجبال وبحار, وعطول بلاقي حالي فارسه جيده وعم آنطلق بقوه وثقه
④مائده حلويات نادره, وكم مره وانا باكل قطعه منن وياسبحان الله لما بصحا طعم الحلا بعدو بيضل بفمي !!
⑤مرات بشوف مدن عجيبه وأشخاص اشكالن غريبه ... حتا بالحلم بعرف آنن مش من عالمنا !!
⑥مره شفت حالي مرتين بذات الوقت ... ويالطيف بقا عرفت انو وحده منن جنيه متخفيه بشكلي ... وكانت اصعب لحظه من وقفت بوش حالي بالحلم عنجد آننقزت ...
وكل وحده تقول للتانيه ... انا ادميه وانتي جنيه ...
لحد ما قريت بسم الله الرحمن الرحيم {قل اعوذ برب الفلق ... من شر ماخلق ...}
ف دغري يلي شكيت من الاول انها جنيه ... رجعت لشكلا الاصلي وصارت جنيه سوداء !!
⑦مره شفت شبيهاتي ال39 ... ع اوله مثل يخلق من الشبه 40
واندهشت لما شفت 39 نسخه منوعه مني ... بزبط متلي بس وحده شقرا ... وحده سمرا ، وحده برونزيه ، وحده روسيه ، وحده يابانيه ، وحده لاتينيه ، وحده هنديه ، وحده سمينه ، وحده قصيره ، وحده عيونا خضر ، وحده شعراتا برتقالي ، وحده شعراتا كيرلي ،،، الخ
⑧اغرب حلم شفتو ... وتسائبت آنها تتكرر معي كم مره , انو مسيحي بيصير مسلم ع ايدي أو بسببي أو كرمالي , اخر مره رحت اخدو من الكنيسه للمسجد لحتى يعلن شهادتو واسلامو , بس خلص الحلم ووعيت لحظه لما قرب يطل, ومالحقت بقا شوف ملامح وشو أو شكلو !!
(في الحقيقه وع ارض الواقع بعدني مالتقيت مع هيدا الشخص مع اني بحس آنو بقلب هالحلم موجود رساله )
⑨بس رح بتضل ابهج نوع من احلامي ،،، الطيران !!
مرات بطير بجناحات ... ومرات مندون اجنحه
مرات بطير أفقيا متل الطيور ... ومرات ع البساط السحري ...
وبكل هيدولى المرات بشوف منظر الارض بيجنن من فوق !!
وكلمره من كتر سعادتي قلبي بدو يطلع من قفصي الصدري !!
وكلمره وانا في الحلم بشكر ربي ع نعمتو !!
⑩وبعد باقي 3 انواع من الاحلام يلي مابقدر احكي عنن وحافظتن جوات قلبي،،، يمكن يكونو اسرار دنيويه أو آصوات سماويه أو هبات وعطايا ربنا مخبيه لالي ...
وبهالانواع من الاحلام بيتاكدلي آني انسانه روحانيه بعمق ، وتعلقي بهالدنيا محدوده , وآديش قريبه من الله !!
اللهم لك الحمد والشكر كما ينبغي لجلال وجهك وعظيم سلطانك .
✍....... a تـــاتــيـــانــــــا b
 |
|
|
|
التعديل الأخير تم بواسطة ŢαŢμαŊα ; 09-17-19 الساعة 10:09 PM
 |