منتديات مسك الغلا | al2la.com - عرض مشاركة واحدة

**الوله** · 09-22-19, 05:10 AM

من بعد الغياب / أتمنى يرتقو لقلوبكم ..

يمكن نكون اللي في الحب ضعنا !
اللي خذانا الحب من دون ندري !

جعنا عشق ! مدري من العشق جعنا !
ولا تسأليني ويش..؟ والله مدري ..

مدري ويش اللي نهاية الحب معنا ..
هذا السؤال اللي ذكرناه بدري !

أدري و تدري للعمر فيك معنى ..
ي حبي وقلبي وحياتي و عمري ..

ياما و ياما في المحبه سجعنا ..
أجمل أغاني الحب ي بوح شعري ..

لوهو عصانا الوقت للوقت طعنا !
اكذب لو أني اقول هو تحت أمري ..

لو هو بيدي لو افلنا سطعنا ..
ما كان عنك اغيب / ي كبر قهري ..

و
و
و
و

عن شعوري ممتلي حزن و أسى ..
وعن ظروفي منيله بستين نيله ..

ودي أبعد من تفاصيلي المساء !
من كثر ما الحزن بي في كل ليله !

فاتنة قلبي اذا قلبي نسى !
والله انه يموت ما ينسى خليله !

من عرفتك عفت انا كل النساء ..
انتي أجمل حب ي أجمل جميله ..

كما انا محتاج لك / قولي : عسى
نلتقي في العمر لو هي بس ليله ..

حبك اللي في وسط قلبي رسى ..
لوهي غيرك ناويه تجلس بديله ..

الا بسأل : كيف قلبك ؟ ما قسى !؟
ما سأل عني الحمام اللي يجي له ؟!

هو صحيح انه في الحزن اكستى ؟!
أذكر انه في الوفاء مافي مثيله ..

و
و
و

ي صباح الخير ي أجمل صباحي ..
ما نسيتك لجل اقول اني ذكرتك ..

فيك احس بكل فرحي وارتياحي ..
ااه ي نشوة غرامي اللي سكرتك ..

لا تصحيني انا ماني بصاحي !
هاتي كلك من متى وانا انتظرتك ..

لـ الـولـه .