10-06-19, 12:45 AM
|
#655 |
| آنثــى من عــالـــم الخيـــال | | | | | | | | | | | | | | | | الهوايه » السفر بين عالم المعرفه وروائع الطبيعه | | | | | | | | | | 
Life After People مسلسل تيليڤزيوني وثائقي بيتكون من 2 سيزن و20 حلقات
من آروع الوثائقيات يلي شفتن مع أنو بيحكي عن نظريات تخمينيه ورؤيه مستقبليه (بس عطول بتجذبني هالنوعيه الأفتراضيه وبتعجبني أكتر لما بيرتبطو بالطبيعه).
المسلسل بيستعرض أهميه الوجود البشري وضروره الحفاظ ع الbalance بين كل المخلوقات الحيه يلي بتعيش ع كوكبنا الجميل , وبيفرجينا حجم الدمار يلي بتصيب كوكب الأرض بعد رحيل البشر لأنن بالفعل أعظم الكائنات وآسياد الأرض وهني بلأساس ربنا خلقن لأعمار الارض وتطوير البشريه , لهيك للأمانه البشر هني سر وسبب أستمرار الحياه ع هالكوكب !!
والمسلسل بيتناول حياه الآرض بعد البشــر من النواحي { الهندسيه ,,, العمرانيه ,,, الزراعيه ,,, البايولوجيه ,,, والجيولوجيه} وبتحكي عن أخر المخلوقات والمباني العمرانيه يلي من المفترض أن يضلو حتى بعد مرور 500,000 سنه على رحيل البشر .
ولأني مهندسه بناء وجدانيا رح بتدايق لما بشوف فقرات الهدم , لهيك عذبني مشاهد انهيار البنايات وأشهر المعالم العمرانيه يلي الأنسان خلص ربع او نص عمرو ع بنائن .
وبصراحه آكتر هيدا المسلسل ذكرني بسلسلتي الحصريه (سلسله أطلال ساحره من الجمال المهجور) يلي قمت شخصيا بأعدادن ونزلتن شهر 3 , ولما كنت بجهز الصور والمعلومات وبدقق عليهن كنت بحس بغصه بقلبي وقت كنت بشوف هالمطارح الرائعه يلي كانو مليانين بالارواح والاصوات وبلامجاد كيف صارو منسيين !!
وبذات الوقت ذكرني بقا بوضع منتدانا الآول يلي صاير شبه مهجور ... خاصتا لما بدك تفوت بلأقسام دغري بتحس بالوحده والوحشه , وبتنصدم من الصمت والجمود , وبتقرا تأريخ أخر موضوع يعني بكل صراحه بتحس فتره ورا فتره الأقسام رح يتحولو لهالأماكن المهجوره يلي موجودين بالمسلسل وكمانا بسلسلتي !!
 |
|
|
|
 |