كلها أمور طبيعيه بسبب تغير الهرمونات وارتفاع هرمون الأستروجين وقت الدورة
اقرأ عن أعراض الدورة في قوقل وتثقف شوي
ويختلف طبعاً من مرأة للثانية حسب صحتها
وحط خطين تحت صحتها
زوجتك والله أعلم عندها فقر دم أو نقص فيتامين عشان كذا تتألم
لكن لا تخليها تتألم ولا نص يوم
عطها بندول وان ما فاد ودها الطواريء
يا كثر ما تجيهم حالات يطلبوا ابرة الدورة وشيء معروف جداً عندهم
بعد ما تاخذها حتقوم حصان ولا تشتكي بإذن الله
وترا بعد الولادة كل هذا بيروح بس اصبر عليها هالفترة
أنا كنت أتلوى من الألم زمان وأنهار بكاء وما أهدأ إلا اذا ودوني آخذ إبرة
والحين الحمدلله بعد ما حملت وولدت راح بقي شيء خفيف يخف بالبنادول
لأن الهرمونات عندي عاليه وأتوقع زوجتك نفس الشيء

أهم شيء هي لازم تمشي على غذاء صحي قبل الدورة بأسبوع
ممنوع المشروبات الغازية والقهوة والشاي والحلويات والشطة وغيره
ولازم يومياً فاكهة وطبق سلطه

وتستمر كذا حتى لما تجيها الله يكرمك
وتتدفى زييين بدون مكيفات باردة وتلبس جكيت وشراريب عشان أغلب الألم من هواء بارد يدخل جسمها
أمك مع احترامي ماعندها خبره أو ما جاها بنات يتألموا فماله داعي انها تقلك كذا
بالعكس شيء جداً طبيعي وحيروح أو يخف عالأقل بعد كل ولادة