لما حبيت اكت قصه عن حواء فى حياتى
معرفش ليه ما لقيت الا اسم فاطمه خليته اسم للقصه دى
يمكن اسم فاطمه عندى مرادف لاسم حواء
اسم جميل فيه التزام وفيه نوع من الروحانيه
يمكن القصه دى مستحيل انشرها على النت
لانها القصه الوحيده الى كتبتها باحداثها وباشخاصها الحقيقين
هى تشبه كتير فى اسلوبها قصه اسمعونى بس اجمل بكتير
اقول وجهه نظرى فيها براحتى بدل مش هنشرها
المهم فاطمه رغم انه مش اكتر اسم بحبه وممكن جدا لو ربنا رزقنى ببنوته مش هسميها فاطمه
بس زى ما قلت يظل مرادف لحواء بس حواء الملتزمه النقيه الخاليه من وجهه نظرى من الشوائب
بمناسبه فاطمه
فيه عملين فنيين انا من اشد المعجبين بيهم بيحملوا اسم فاطمه
اولهم موسيقي العبقرى عمر خيرت ولو حد حابب يسمعها يبحث عنها على اليوتيوب بس بقياده المايسترو عادل شلبي
والعمل التانى تتر مسلس قديم لمسلسل اسمه من الذى لا يحب فاطمه
المهم تحياتى لفاطمه
