مساء الأربعاء ..
يهون كل شيء لما نعرف إن بكرة خميس
يعني تخيلوا إني أداوم وكذا عشان أفرح فيه
بس الأم اللي تذاكر لأولادها كل يوم تفرح أكثر منهم بالويكند





ماعندي خطط لليوم
كان نفسي في سرير خشبي هزاز للبيبي القادم
ويكون فيه ستارة ممكن أشيلها اذا صحي وأرجعها إذا نام
وطبعاً أهم شيء يكون فيه عجلات أقدر أنقله بين الغرف
ولونه يكون أبيض أو رمادي فاتح أو بني فاتح جداً
لكن ..
مافي شيء نفس هذي المواصفات لا في النت ولا في السوق
لازم يكون فيه عنصر ناقص مثلاً بدون عجلات أو ما أقدر أهزه أو مافي ستارة أو لونه عبيط
على فكرة ما أحب أخلي استقبال البيبي باللون الوردي أو الأزرق زي كل الشعب
كرهت هذي اللونين من كثر ما أشوفها
اخترت ألوان مختلفة هالمرة ( أبيض ورمادي وذهبي ) والثيم والتوزيعات زي الملاهي
يعني كله متناسق عدا التوزيعات ماحصلت شيء بهذي الألوان
لكن أتوقع مايظهر لونها بشكل واضح مع الورد والتنسيق

أخذت توزيعات بشكل لعبة الأحصنة الدوارة



وأخرى بشكل عربات الأميرات



والباقي تشوفوه وقتها ان شاء الله

< ماتطلب من تاجرات
لأني أعرف وأقدر وأتسلى وأنا أسويها


بقي الإسم اللي يتعلق عالباب
كل الناس تاخذ طوق دائري وتحط الاسم وسطه بالذهبي
وتكتب اللهم أنبته نباتاً حسناً

أحتاج فكرة جديدة وممكن أحطها بغرفة النونو بعدين وأستفيد منها
عجبتني هذي



ومحتاره أجرب أسويها بنفسي والا ماحتزبط ؟!


الشيء المضحك اني جهزت كل الديكورات وبقي أهم شيء (الطاولات حقت الاستقبال)
مافي ناس يأجروها بالشهر
يعني لازم أشتريها أو آخذ ستاندات أو معرف صراحة
ومحدثتكم تحب الشيء الخاص فيها ماتحب التقليد

،

على فكرة استقبال بنت أختي وولدها أنا سويته لها
لكن كان أوع¤ر بناءً على طلبها
حتى الكنبات غطتها !
أنا بس بنسق مدخل وانتهينا
لأننا نبتلش بالأغراض اذا كبر النونو !!