لو تكبر التضحيات وكلّ خافي يبان ..
وينبذني الحظّ في درب السنين المدي

مدري من ألوم هذا القلب والا اللسان !؟
مدري وش أقول لاشفت البساط أحمدي!؟

يالحية الفقر وش حبّبك فالزعفران؟
وأنتي تحسبين حظك ماسكه في يدي

وانا غريب بدوي مااحارب الا الطّمان
أتعب على شيء أبيه ولو بقيت وحدي!!

هو من متى صار لي في عين ظلي مكان!؟
وانا هنا الشمس تاكل من عروق جسدي

أشدّ وأنزل قلق مابين ضحك الثمان
وأذبح من أحلام عمري للمراجل فدي

أشغّل النور وأطفي باقي الشمعدان!!
وأصدّ عن ضوح برقي وألتجي ل رعدي

كم لي وانا أبحث وأفتّش عن مكان الامان
حتى كسى الخوف مابيّن ملامح غدي

مستانس اني غشيم ب عالم الإحتقان!!
ومتضايق إنّي وحيد ف ليلي السرمدي!!